Le fiafruighe den Aire um Rialtas Aitiúil cad é an sgríbhinn shásochaidh é mar dheimhniú ar aos na ndaoine atá ag iarraidh an phinsin a dtig leo luighe air de bhrí nach bhfuil sean-sgríbhinn ar bith le fáil idir an Chomhaireamh i 1851 agus tosnú na n-Aireamh bParóisteach i 1864; agus an bhfuil sé réidh glacadh le mion-sgríobtha roimh shean-ghiúistís, roimh ghiúistis dúithche no roimh ghiúistís paróiste ag duine ar bith atá ag fáil an phinsin go bhfuil daoine mar seo deich mbliana agus trí fichid d'aois.
CEISTEANNA—QUESTIONS. - SGRÍBHINN MAR DHEIMHNIÚ AR AOS NA NDAOINE.
Geobhfar liosda des na sgríbhinní a shásóchaidh sinn mar dheimhniú ar aois éilitheóirí an phinsin sa bhfreagra a thugas ar cheist a cuireadh chugham ar an 10adh lá de Dheire Foghmhair. Tabharfad cóip de do'n Teachta.
Nuair nách féidir teistiméireacht aoise a dh'fháil glacfar le Mionn-sgríobhtha de'n tsaghas a deir an Teachta agus déanfar é bhreithniú i dteannta pé tisbeántí eile a bheidh ag an éilitheóir ar a aois. Is léir, amh, nách leor de dheimhniú Mionn-sgríobhtha d'á leithéid agus go gcaithfidh éilitheóir tisbeáintí eile a bheith aige 'na theannta.
Ag eirigh as an g-ceist sin, ba mhaith liom a fhiafruigh de'n Aire an n-déanfaidh sé an gnó anois, in easbaidh an sgríbhinn agus ó tá sean-ghiúistisí as oifig, teistis a fhagháil ó dhuine creideamhnach nó an g-caithfidh siad an leabhar a thabhairt.
Má dheineann aon duine udarásach é agus má's é ár mbaramhail go bhfuil an ceart aige, glacamuid leis. Ní dhéanfadh sé aon mhaith an leabhar a thabhairt, mar tá a fhios againn go bhfuil daoine ann a thabharfadh an leabhar ar rud ar bith.