Dáil Éireann debate -
Thursday, 6 Nov 1952

Vol. 134 No. 8

Ceisteanna—Questions. Oral Answers. - Bun-mhúinteoirí ar Pinsean.

D'fhiafraí

Risteárd Ua Maolchatha

den Aire Oideachais an ndéarfaidh sé cé mhéid bun-mhúinteoirí (1) fir, agus (2) mná, a bhí ar pinsean ar an 31ú Nollaig i ngach bliain ó 1945 go 1950.

Seán Ó Maoláin

Do bhrí gur í bhfoirm táibhle figiúirí atá freagra na ceiste seo, tá rún agam, le cead an Chinn Chomhairle, an freagra a chur ar fáil ins an tuarascáil oifigiúil.

			Fir	Mná
31ú	Nollaig,	1945	1,043	2,085
,,	,,	1946	1,016	2,040
,,	,,	1947	953	1,963
,,	,,	1948	1,003	1,978
,,	,,	1949	986	1,988
,,	,,	1950	983	2,040

D'fhiafraí

Risteárd Ua Maolchatha

den Aire Oideachais ós rud é go bhfuil socair aige suim airgid, in áit allúntais scoir, a thabhairt do na bunmhúinteoirí a chuaigh ar pinsean roimh an lú Eanair, 1950, an ndéarfaidh sé cad faoi ndeara dhó gan an t-airgead sin a thabhairt ina iomlán dóibh anois, seachas é a roinnt ina thrí coda, agus é d'íoc cuid sa bhliain 1953, cuid sa bhliain 1954 agus an fuílleach sa bhliain 1955.

Seán Ó Maoláin

Ba cheart a mheabhrú gur íocaíocht ex gratia an tairgead nach bhfuil aon teideal ag na pinsinéirí dó do réir dlí, agus nach miste iarracht do dhéanamh ar a íoc i slí a thiochfaidh isteach go réasúnta le caoithiúlacht Ciste an Stéit.

Risteárd Ua Maolchatha

Tá fhios ag an Aire go bhfuil sé ráite: "Mar thugais an coinneal, tabhair an torlach"—"If you are giving the candle, give the butt." Deir an tAire ná fuil an t-airgead so tuilte de dlí ag na múinteóirí ach tá socair ag an Aire an t-airgead a thabhairt dóibh. Dá bhrí sin, cad na thaobh ná tugtar dóibh é in aon tsuim amháin. Ní cosnóidh sé ach breis beag airgid é sin a dhéanamh. Bféidir go n-iniuchóidh an tAire an cheist arís.

Seán Ó Maoláin

Is dócha go ndearfadh an tAire Airgeadais go bhfuil níos mó ná mo dhualgas comhlíonta agam agus ná beadh aon fáilte aige romham.

D'fhiafraí

Risteárd Ua Maolchatha

den Aire Oideachais an ndéarfaidh sé cé mhéid bun-mhúinteoirí (1) fir, agus (2) mná, a bhí ar pinsean agus a fuair bás sa bhliain dar chríoch an 31ú Nollaig i ngach blian ó 1945 go 1950.

Seán Ó Maoláin

Do bhrí gur i bhfoirm táibhle figiúirí atá freagra na ceiste seo, tá rún agam, le cead an Chinn Chomhairle, an freagra a chur ar fáil ins an tuarascáil oifigiúil.

			Fir	Mná
31ú	Nollaig,	1945	80	100
,,	,,	1946	83	100
,,	,,	1947	70	108
,,	,,	1948	71	94
,,	,,	1949	70	91
,,	,,	1950	70	85