agusMr. Meaney d'Aire na Gaeltachta an eol dó go bhfuil gá mór le (a) leabhair bhunscoile (b) téacsleabhair iar-bhunoideachais agus (c) nuachtáin Ghaeilge do mhuintir na Gaeltachta; agus an bhfuil aon scéim chabhraithe aige ina gcóir sin.
Ceisteanna—Questions. Oral Answers. - Téacsleabhair agus Nuachtáin Ghaeilge.
28. D'fhiafraigh
Chun freastal ar lucht léite agus lucht scríofa na Gaeilge sa Ghaeltacht agus sa chuid eile den tír tá cúnamh airgid á thabhairt agam do cheithre cinn d'irisí áitiúla Gaeltachta, don dá nuachtán sheachtainiúla i nGaeilge agus do thréimhseacháin eile.
Ní ormsa atá an phríomhfhreagracht i leabhair ná téacsleabhair scoile don Ghaeltacht ach bím i síorchomhairle leis an Aire Oideachais i dtaobh gach gné den oideachas sa Ghaeltacht.
Ba cheart don Aire dul i gcomhairle lena chomrádaí. An bhfuil a fhios aige nach bhfuil dóthain téacsleabhar i nGaeilge ag muintir na Gaeltachta?
Is é sin ceann de na céad fhadhbanna atá le cur á réiteach agus aontaím gur fadhb anmhór í ach tuigimse—ach níl an t-eolas agamsa anseo—go bhfuil idirbheartaíocht ar siúl faoi láthair chun comhlacht chlódóireachta nua a bhunú i nGaeltacht na Gaillimhe chun téacsleabhair agus nuachtáin Ghaeilge do mhuintir na Gaeltachta a chlóbhualadh.
An bhfuil a fhios ag an Aire go bhfuil gá le téacsleabhair sna bunscoileanna chomh maith leis na h-iar-bhunscoileanna? An bhféadfadh sé a rá cén dul chun cinn atá déanta le cúpla bliain anuas le feabhas a chur ar an scéal sin?
An n-abróidh an tAire an chaint atá ar siúl chun foilsiúcháin a chur ar siúl sa Ghaeltacht? An mbeidh Gaeltarra Éireann istigh air sin? An mbeidh cáirde acu ann? An tionscal príobháideach a bhéas ann ar fad?
Más mian leis an Teachta ceist a chur síos i dtaobh an fhógra sin, cuirfidh mé an t-eolas ar fáil ach chomh fada agus a thuigimse an scéal beidh Gaeltarra Éireann páirteach ann.
Cé hiad na daoine atá i mbun na gcainteanna seo mar gheall ar fhoilsiúcháin a chur ar fáil sa Ghaeltacht?
(Cur Isteach.)
Is ceist thábhachtach í seo. Táimse chun fógra a thabhairt go bhfuil sé ar intinn agam an cheist seo a phlé ar Athló na Dála.
Raghaidh m'oifig i gcomhairle leis an Teachta.