d'Aire na Gaeltachta cén chúis atá leis an moill a bhaineann le hÚdarás Gaeltachta a bhunú.
Ceisteanna—Questions. Oral Answers. - Údarás na Gaeltachta.
4. D'fhiafraigh
Ní eol dom cén chúis a bhí leis an moill a tharla sna blianta 1973 go 1977. Faoi láthair is amhlaidh atáim i gcomhairle le hAirí eile i dtaobh pointí áirithe agus, nuair a bheimid sásta, cuirfear Bille os comhair na Dála. Ansin beidh deis ag Teachtaí an scéal ar fad a phlé agus beidh mé ag súil le comhoibriú uathu chun an Bille a rith.
D'fhreagair an tAire ceist faoi 1973 go 1977. Chuir mise ceist air faoi 1978. Dúirt an tAire liom go raibh sé beartaithe aige an Bille seo a thabhairt isteach roimh an Cháisc. Cén fáth nach bhfuil an Bille os comhair na Dála anois, go mór mhór nuair adúirt an Taoiseach ar an teilifís go raibh sé beartaithe ag an Rialtas an tUdarás a bhunú láithreach. Cad is lirí leis an mhoill?
D'fhiafraigh an Teachta céard a choinnigh siar Bille an Údaráis agus thug mé freagra. Ní dúirt mé go dtabharfaí isteach é roimh an Cháisc. Má théann sé siar go dtí an freagra a thug mé ar an 23 Feabhra dúirt mé: "Tá mé ag súil go mbeidh sé os comhair na Dála roimh Cháisc".
Dúirt an tAire go raibh sé beartaithe——
Níor thug mé aon gheallúint——
Dúirt sé go raibh sé beartaithe aige an Bille a thabhairt isteach roimh an Cháisc. Fiafraím de anois an bhfuil sé beartaithe aige an Bille a thabhairt isteach roimh an samhradh.
Dúirt mé go raibh súil agam go dtabharfainn isteach é roimh an Cháise. Ní dúirt mé go dtabharfainn isteach roimh an Cháisc é. Bhí mé ag súil leis, agus mhínigh mé san fhreagra a thug mé ar dtús go raibh mé ag plé le hAirí eile maidir leis an Bille a chur os comhair na Dála agus nuair a bheadh sé sin pléite againn agus nuair a bhéimis reidh chun teacht os comhair na Dála, go dtiocfaimid isteach leis an mBille.
An n-abroídh an tAire leis an Teach cathain a bhfuil sé beartaithe an Bille a thabhairt isteach, toisc gur thug sé geallúint do gach duine go raibh sé beartaithe é a thabhairt isteach láithreach?
Thugamar geallúint go mbeadh an Bille tugtha isteach roimh dheireadh mhí Mheithimh agus seasaimid leis an ngeallúint sin.
An mbeidh an Bille againn an bhliain seo in aon chor?
Seasaimid leis an ngeallúint a thugamar.
An bhfuil an tAire in ann a rá go bhfuil cumhacht aige Údarás daonfhlathach a thabhairt isteach?
Tig linn é sin a phlé nuair a chuirfear an Bille os comhair na Dála.
Sin í an cheist. Beidh mickey-mouse Údarás ann, mar a dúradh cheana.
An mbeidh níos mó fiacla ag an Údarás seachas mar a bhí ag Bord na Gaeilge?
Céard atá i gceist ag an Teachta nuair a deireann sé "fiacla"?
Smacht ar an rud atá i dteideal bheith faoin a gcúram.
Ar a laghad, táimid ag tabhairt isteach Bille, rud nar éirigh leis an iar-Rialtas a dhéanamh, cé gur gheall siad é ar feadh ceithre bliana go leith.
Duirt an tAire go dtabharfaí isteach roimh an Cháisc é, ach níor tháinig sé.