Skip to main content
Normal View

Dáil Éireann debate -
Tuesday, 9 Dec 1986

Vol. 370 No. 9

Ceisteanna — Questions. Oral Answers. - Comhdháil na nOileán.

1. D'fhiafraigh

d'Aire na Gaeltachta, ó tharla go bhfuil tábhacht faoi leith ar mhaithe le muintir na n-oileán Gaeltachta san obair atá ar siúl ag Comhdháil na nOileán, an bhfuil sé sásta cuidiú leo ina n-iarrachtaí le feabhas a chur ar shaol sóisialta agus eacnamaíochta na bpobal Gaeltachta ar na hoileáin Ghaeltachta.

Bíonn mo Roinnse i dlúth-theagmháil rialta le pobail na n-oileán Gaeltachta, go háirithe trí na comharchumainn atá ag feidhmiú ar a mbunáite, agus táim sásta gurb é sin an bealach is fearr chun fadhbanna a aithint agus teacht ar shlite lena réiteach. Bíonn tairbhe na scéimeanna éagsúla atá á reachtáil ag mo Roinnse agus ag Údarás na Gaeltachta ar fáil ar na hoileáin Ghaeltachta agus bíonn cabhair níos airde ná an gnáthráta deontais iníoctha sna hoileáin sin faoi Achtanna na dTithe (Gaeltacht) agus faoi scéimeanna áirithe de chuid mo Roinne.

Ar Chuir Comhdháil na nOileán cogar ar aghaidh le gairid chuig an Rialtas ó fhochoiste Chomhdháil na nOileán faoi chóras farantóireachta d'Árann? Tuigim gur cuireadh é sin ar aghaidh. An bhfuil sé ag teacht os comhair an Rialtais go fóill nó ar iarradh ar Aire na Gaeltachta aon chinneadh a dhéanamh ina leith sula dtiocfadh sé chuig an Rialtas?

Níl an t-eolas sin agam faoin tuarascáil a bhfuil an Teachta ag caint fuithi. Ach gheobhaidh mé an t-eolas sin dí.

An aontódh an tAire Stáit gur cúrsaí farantóireachta na cúrsaí eacnamaíochta is tábhachtaí do phobal Gaeltachta na nOileán ar fud an chósta? Agus is ionadh liom, ó tharla go bhfuil ceist anseo faoi chúrsaí eacnamaíochta, nach mbeadh eolas ag an Aire Stáit os a chomhair amach faoi choiste farantóireachta nó faoi chóras ceart farantóireachta a chur ar fáil do na hoiléain tri chéile.

Tá a fhios agam go bhfuil an t-ábhar sin an-tábhachtach, ach ní hí sin an cheist a cuireadh chuig an Roinn anseo, ach mar a dúirt mé, gheobhaidh mé an t-eolas agus cuirfidh mé scéal chuig an Teachta.

Top
Share