d'Aire na Gaeltachta ar tharla aon chomhráití leis an IDA maidir le hairgead a aistriú chuig Údarás na Gaeltachta agus an dtabharfaidh sé ráiteas fá dtaobh de.
Ceisteanna — Questions. Oral Answers. - IDA agus Údarás na Gaeltachta.
5. D'fhiafraigh
Bhí iarrachtaí leanúnacha ar bhonn leathan ar siúl le tamall anuas maidir le caipiteal vótáilte breise d'Údarás na Gaeltachta i mbliana agus ghlac an Dáil le Meastachán Forlíontach ar 4 Nollaig faoina mbeidh caipiteal vótáilte breise de £2,205,000 ar fáil don eagraíocht sin i 1986.
I dtaca leis an cheist seo b'fheidir nach raibh a fhios aige nó b'fhéidir go bhfuil a fhios ag an Aire seo gur chuir mé ceist chuig a chara, an tAire Tionscail agus Tráchtála an tseachtain seo caite mar gheall ar Roinn na Gaeltachta agus dúirt sé gur ceist do Aire na Gaeltachta é. Táim anois ag fiafraigh den Aire Stáit an aontaíonn sé liom go bhfuil 900 postanna ar fáil sna Gaeltachtaí ach nach bhfuil an t-airgead ag an Údarás chun na postanna sin a chur chun cinn. An bhfuil eolas faoi ag an Aire Stáit?
Tá an cheist ag iarraidh eolais faoí airgead a aistriú ó Roinn eile go dtí Roinn na Gaeltachta. Táim ag rá gur ghlac an Dáil le déanaí le Meastachán Forlínteach chun £2 milliún eile a chur ar fáil don Roinn i mbliana.
Cad a cheapann an tAire faoin cheist a bhí agam an tseachtain seo caite? Níl aon duine ón IDA ar bhord an Údaráis. An gceapann an tAire gur fearr go mbeadh duine ón IDA ar bhord an Údaráis ionas go bhféadfaidís tionscail a chur ar aghaidh sna Gaeltachtaí? Nach droch an rud é nach bhfuil duine dá leithéid ar an Údarás? Bhíodh duine mar sin ann.
Níl a fhios agam an bhfuil an Teachta ag rá nach oiriúnach na daoine atá ag freastal ar bhord an Údaráis faoi láthair. Sílim go bhfuil anbhaint acu le comharchumainn ar fud na tíre. Sin cinneadh an Rialtais agus tá sé ann le fada an lá.
Feicim an Teachta McGinley ag gáire ansin.
(Cur isteach.)
An n-aontódh an tAire go bhfuil sé amaideach go mbeadh an tÚdarás fágtha gan airgead i gcaitheamh na bliana seo le postanna a chur ar fáil agus san am céanna nach raibh an t-airgead a bhí ag an IDA á chaitheamh. Agus an n-aontódh sé go mbeadh sé ciallmhar go bhféadfaí scair den airgead sin atá ag an IDA nó a bhí ag an IDA i gcaitheamh na bliana seo a thabhairt don Údarás le postanna a chur chun cinn, rud nár tharla.
Fiafraíonn an cheist seo ón Teachta Gallagher an raibh comhráití ar siúl faoi aistriú airgid ó Roinn amháin go dtí Údarás na Gaeltachta agus séard atá mé ag rá gur ghlac an Dáil Meastachán Forlíontach, agus bhí níos mó £2 mhilliún le fáil i mbliana.