Vol. 404 No. 7
103 D'fhiafraigh Mr. McGinley den Aire Comhshaoil an bhfuil Coiste Airí na nOileán ag gníomhú go fóill; cén bhallraíocht atá ar an gcoiste; cé mhéid cruinnithe a bhí ann i rith 1990; agus cén dul chun cinn atá déanta maidir le forbairt na n-oileán.
Cuirfidh mé liosta de bhallraíocht an choiste ar fáil leis an Tuairisc Oifigiúil.
Bhí cúig chruinniú ag an gcoiste i rith 1990 agus tá an obair ar siúl go fóill.
Feidhmíonn an Coiste trí na Ranna Stáit eagsúla chun tionscnaimh fhiúntacha a chur chun cinn. Táim sásta go bhfuil obair thorthúil á déanamh dá bharr.
Ballraíocht
An tUasal Pádraig Ó Floinn, T.D., Aire Comshaoil.
An tUasal Micheál Ó Núnáin, T.D., Aire Stáit ag Roinn na Mara.
An tUasal Riobárd Ó Maoildhia, T.D., Aire Fuinnimh.
An tUasal Seosamh Breathnach, T.D., Aire Stáit ag an Roinn Talmhaíochta agus Bia.
Máire Geoghegan-Quinn, T.D., Aire Stáit ag Roinn an Taoisigh.
An tUasal Pádraig Cope Ó Gallchóir, T.D., Aire Stáit ag Roinn na Gaeltachta.
An t-Uasal Donncha Ó Liatháin, T.D., Aire Stáit ag an Roinn Turasóireacht agus Iompair.
An t-Uasal Proinsias Ó Fathaigh, T.D., Aire Stáit ag an Roinn Oideachais.
