Vol. 416 No. 1
5 Mr. Kenny asked the Minister for the Gaeltacht if he will outline, (a) the size and location of each factory in County Mayo controlled by Údarás na Gaeltachta and (b) the numbers employed in each such factory; and if he will make a statement on the matter.
Tá an t-eolas staitisticiúil a fuarthas ó Údarás na Gaeltachta i bhfoirm tábla agus cuirfear timpeall sa Tuairisc Oifigiúil é.
Ag deireadh na bliana 1990 bhí 575 dhuine fostaithe go lánaimseartha i dtionscail i nGaeltacht Mhaigh Eo a fuair cúnamh ó Údarás na Gaeltachta agus meastar gur méadaíodh an figiúr sin go dtí breis is 580 duine ag deireadh 1991. Tá roinnt foirgneamh de chuid an Údaráis folamh i gContae Mhaigh Eo faoi láthair agus leanfar go dícheallach leis na hiarrachtaí a bhíonn ar siúl ag an Údarás chun tionscail oiriúnacha a aimsiú do na foirgnimh sin.
Seo a leanas an tábla:
|
Áit |
Achar an fhoirgnimh Méadar Cearnach |
Líon daoine fostaithe go lánaimeartha (páirtaimseartha / séasúrach) ar 31/12/91 |
|
Ait UíChonáin, Béal an Mhuirthead |
750 |
22 (1) |
|
Ait Uí Chonáin, Béal an Mhuirthead |
1,551 |
folamh |
|
Baile Glas, Iorrais |
560 |
folamh |
|
Béal an Mhuirthead |
186 |
4 (2) |
|
Béal an Mhuirthead |
3,020 |
146 (1) |
|
Béal an Mhuirthead |
1,475 |
{ 35 |
|
Béal an Mhuirthead |
3,000 |
|
|
Béal an Mhuirthead |
750 |
Cúrsa de chuid FÁS ar siúl go sealadach ann |
|
Bun an Choire, Acaill |
345 |
folamh |
|
Bun an Choire, Acaill |
970 |
5 (2) |
|
Bun an Choire, Acaill |
750 |
folamh |
|
Bun an Choire, Acaill |
750 |
Leachtaitheoir ceaptha |
|
Bun an Choire, Acaill |
112 |
Ligthe le heagras deonach |
|
An Cheathrú Thaidhg, Béal an Mhuirthead |
375 |
12 |
|
An Cheathrú Thaidhg, Béal an Mhuirthead |
750 |
folamh |
|
Cill an tSiáin, Tuar Mhic Éadaigh |
675 |
40 (20) |
|
Cuan Éilí, Béal an Mhuirthead |
538 |
folamh |
|
Dumha Éige, Acaill |
191 |
1 (2) |
|
Gaoth Sáile, Béal an Mhuirthead |
745 |
folamh |
|
Na Muingí, Iorrais |
350 |
24 |
|
Poll an Tómais, Béal an Mhuirthead |
433 |
folamh |
|
Tuar Mhic Éadaigh |
3,600 |
83 |
|
An tIomlán |
21,876 |
372 (28) |
Baineann na figiúirí fostaíochta atá tugtha thuas amháin le tograí atá lonnaithe i bhfoirgnimh de chuid an Údaráis. Tá daoine eile i dtionscail a fuair cúnamh ón Údarás lonnaithe i bhfoirgnimh nach leis an Údarás iad.
Ar dtús, cuirim fáilte roimh Aire nua na Gaeltachta agus guím rath ar do chuid oibre.
An bhfuil an tAire sásta leis an méid daoine atá fostaithe go lánaimseartha i nGaeltacht Mhaigh Eo, agus an dtabharfaidh sé cuairt go luath ar an Ghaeltacht ansin ionas go mbeidh sé in ann a fheiceáil cad é mar atá cúrsaí ansin, idir imirce is eile?
Thachtfadh an Teachta mé dá mba rud é gur dhúirt mé go raibh mé sásta leis an méid daoine atá fostaithe ag an Údarás i gContae Mhaigh Eo. Ní fhéadfadh éinne i láthair na huaire a bheith sásta le cúrsaí fostaíochta in aon chearn den tír, ach tabharfaidh mé cuairt ar Mhaigh Eo go luath.
Cuairt an mheán oíche.
Ní cuairt an mheán oíche. Cuairt ar Thuar Mhic Éidigh, Bhéal an Mhuirthead agus mar sin.
