Written Answers. - Iarratas do Deontas.

Éamon Ó Cuív

Question:

195 D'fhiafraigh Éamon Ó Cuív den Aire Cosanta cén uair a dhéanfar cinneadh ar an iarratas ó Ord Mhálta, Aonad Inis Meáin (sonraí tugtha), ar dheontas le haghaidh feisteas atá leis an Roinn Cosanta le breis agus dhá bhliain anuas. [1128/94]

Tar éis an scéal a phlé, tá socraithe idir an Roinn Cosanta agus Ord Mhálta gur gá scéim nua deontas feistis do ghrúpaí cabhrach deonach agus tá sé seo dá scrúdú faoi láthair. Tá súil agam go mbeidh scéim nua i bhfeidhm chomh luath agus is féidir.