Vol. 447 No. 1
282 D'fhiafraigh Mr. McGinley den Aire Ealaíon, Cultúir agus Gaeltachta an bhfuil iarratas ag a Roinn ar dheontas le haghaidh obair dheisiúcháin a dhéanamh ar an ché ag Machaire Gathláin i nGaoth Dobhair; cén dáta a fritheadh an t-iarratas; agus an gceadoídh sé deontas leis an obair riachtanach a dhéanamh. [3352/94]
Fuarthas iarratas chun oibreacha breise feabhsúcháin a dhéanamh ar an gcé ag an mBinn Bhuí, Machaire Gathláin i mí na Samhna 1992. Cuireadh an cás faoi bhráid mo Roinne-se arís i mí Aibreáin seo caite, tráth a cuireadh in iúl go raibh na hiascairí áitiúla ag gabháil d'oibreacha áirithe.
Chuaigh mo Roinnse i dteagmháil le Comhairle Chontae Dhún na nGall a bhfuil cúram na cé seo orthu. Ach scéal a fháil ón gComhairle go bhfuil siad i bhfábhar na n-oibreacha atá beartaithe agus sásta freagracht a ghlacadh as a gcothabháil, beidh mé sásta deontas a cheadú.
Ní miste a lua gur cheadaigh mo Roinnse deontas lánchostais de £3,000 ar an 21 Meitheamh 1991 chun a chumasú don Chomhairle Chontae oibreacha deisiúcháin a dhéanamh ar an gcé i gceist agus tá £2,000 den deontas sin fós gan a bheith íoctha toisc, is cosúil, nár críochnaíodh an obair.
