Fuarthas iarratas ar chúnamh airgid i leith na forbartha ar ionad scríbhneora i Ros Muc, Contae na Gaillimhe, faoin Scéim Dreasachtaí Forbartha Cultúrtha, atá á cur i bhfeidhm ag mo Roinnse faoi théarmaí an Chláir Feidhme Turasóireachta 1994-1999, agus glacaim leis gurb é seo an t-iarratas atá i gceist ag an Teachta. Beidh mé ag tabhairt socraithe chun críche go luath i ndáil le measúnú na n-iarratas faoin scéim.
Ag féachaint don líon mór iarratas a fuarthas agus do chastacht an phróiséis meastóireachta, tá an chosúlacht ann go dtógfaidh sé roinnt mhaith ama chun cinnithe a dhéanamh faoi na tograí sonracha a dtabharfar cúnamh airgid dóibh.