Michael P. Kitt
Question:55 D'fhiafraigh Mr. M. Kitt den Aire Ealaíon, Cultúir agus Gaeltachta na céimeanna atá tógtha aige ionas go mbeidh Gaeilge ag na Státseirbhísigh ina Roinn. [9833/95]
Written Answers. - Cumas Gaeilge Oifigigh na Roinne.
Is í an Ghaeilge atá mar ghnáth-theanga in oifigí mo Roinne sa Ghaeltacht agus i gcuid de na Rannóga san Ardoifig.
Nuair a bunaíodh mo Roinnse ag tús na bliana 1993 rinneadh socruithe chun cúrsaí Gaeilge a chur ar siúl sa Roinn, ar mhaithe leis na hoifigigh a tháinig isteach ó Ranna eile Stáit nach raibh de nós acu a gcuid oibre a dhéanamh trí Ghaeilge. Tá na cúrsaí sin ar fáil i gcónaí, d'fhonn freastal ar aon riachtanas ó thaobh na Gaeilge de, atá ag foireann mo Roinnse.
Chomh maith leis sin tá gach iarracht déanta agam féachaint chuige go bhfuil cumas Gaeilge ag oifigigh sna gráid ghinearálta a earcaítear ag mo Roinnse.