Máirín Quill
Question:123 D'fhiafraigh Miss Quill den Aire Oideachais an nglacann sí leis an iarratas Scoil Ghnó Tríú Leibhéal trí Ghaeilge a bhunú sa Spidéal, Contae na Gaillimhe; agus an ndéanfaidh sí ráiteas ina thaobh. [3508/96]
Written Answers. - Bunú Scoil Ghnó.
Máirín Quill
Question:125 D'fhiafraigh Miss Quill den Aire Oideachais an bhfuil an tuarascáil ón gCoiste Stiúrtha agus Comhairle an Údaráis um Ard-Oideachas faoi riachtanais nua nó a mhalairt a bheith le forais ard-oideachais a bhunú críochnaithe fós agus an bhfuil aon chinneadh á dhéanamh Scoil Ghnó Tríú Leibhéal trí Ghaeilge a bhunú i gCois Fharraige; agus an ndéanfaidh sí ráiteas ina thaobh. [3510/96]
Tá mé chun Ceisteanna Uimhir 123 agus 125 a ghlacadh le chéile.
Tá tuarascáil an Choiste Stiúrtha faoi choimirce an Údaráis um Ard-Oideachas maidir le riachtanais agus forbairt na hearnála tríú leibhéil á scrúdú agam faoi láthair mar aon le comhairle an Údaráis ina leith.
Nuair a bheidh an scrúdú sin críochnaithe agam beidh cinneadh á dhéanamh agam i gcomhairle le mo chomhghleacaithe sa rialtas maidir le forbairt na hearnála i gcomhthéacs na n-acmhainní airgeadais a bheidh ar fáil.