Vol. 463 No. 6
261 D'fhiafraigh Éamon Ó Cuív den Aire Talmhaíochta, Bia agus Foraoiseachta ar féidir talamh a roinnt mura bhfuil gach sealbhóir, ina úinéir cláraithe den Chimín, agus mura feidir, an bhfuil i gceist aige céimeanna a thógáil len é a dhéanamh níos easca do shealbhóirí talún talamh a fháil roinnte; agus an ndéanfaidh sé ráiteas ina thaobh. [7064/96]
262 D'fhiafraigh Éamon Ó Cuív den Aire Talmhaíochta, Bia agus Foraoiseachta céard é an polasaí atá ann maidir le coimín a roinnt, an bhfuil gá go mbeidh gach sealbhóir ina úinéir cláraithe do talamh sula ndéanfar cinneadh é a roinnt; agus cén uair a rinneadh é seo riachtanach maidir le roinnt coiníní. [7068/96]
Tá sé ar intinn agam Ceisteanna Uimh. 261 agus 262 a fhreagairt le chéile.
Chun é a chur ar chumas Coimisiún na Talún iarratais a phróiseáil chun címín a roinnt, is gá fianaise a thabhairt go bhfuil na scairsealbhóirí ina úinéirí cláraithe nó i mbun próiseas dleathach lena bheith mar úinéirí cláraithe de na scaireanna atá i gceist. Tagann sé seo ó choinníoll de Clárlann na Talún nach dtógfar Ordú Deighilt muna bhfuil na scairshealbhoirí ina úinéirí cláraithe.
