Vol. 473 No. 4
329 D'fhiafraigh Éamon Ó Cuív den Aire Oideachais an bhfuil iarratas aici ó Scoil na hAirde Móire, ar fheabhas a chur ar an scoil sin nó ar scoil nua a thógáil; má tá, cén dul chun cinn atá déanta leis an iarratas agus cén uair a mheastar go dtabharfar cead d'Údaráis na scoile tosú ag tógail; agus an ndéanfaidh sí ráiteas ina thaobh. [1115/97]
Chomh fada agus is eol dom, níl aon iarratas faighte sa Roinn ó Scoil na hAirde Móire ar fheabhas a chur ar an scoil nó ar scoil nua a thógáil.
Fuair mo Roinn iarratas ón scoil le haghaidh obair deisiúcháin do chlós na scoile agus ceadaíodh deontas cabhrach don obair. Chuir mo Roinn sonraí den deontas chuig Cathaoirleach an Bhoird Bhainistíochta i litir i mí Dheireadh Fómhair, 1996.
