Vol. 475 No. 5
29 D'fhiafraigh Mr. Sargent den Aire Oideachais an gcuirfidh sí ar bun cúrsaí inseirbhíse breise i gcomhar leis an eagraíocht Gaelscoileanna chun go mbeidh múinteoirí leis na scoileanna a oireann don Ghaelscolaíocht ach go haírithe ar fáil de bharr go bhfuil méid na scoileanna seo ag fás go tapaidh ar fud na tíre. [5211/97]
Ullmhaíonn an oiliúint a fhaigheann daoine a bhaineann amach cáilíochtaí mar mhúinteoirí bunscoile iad chun gach ábhar a mhúineadh i ngach bunscoil, Gaelscoileanna san áireamh.
Chuir an tAonad Forbartha Inghairme i mo Roinnse cabhair airgid ar fáil cheana féin do Ghaelscoileanna d'fhonn cur ar a gcumas roinnt cúrsaí inseirbhíse a chur ar fáil do mhúinteoirí. Ina theannta sin, chuir an tAonad in iúl do Ghaelscoileanna go mbeadh sé sásta scrúdú a dhéanamh ar aon tairiscintí eile a gheofaí ón eagraíocht le haghaidh oiliúint inseirbhíse.
Chomh maith leis sin soláthraíonn mo Roinnse cabhair airgid le haghaidh réimse cúrsaí faoin gceannteideal ginearálta "Gaeilge" mar chuid de chlár na gcúrsaí samhraidh gach bliain.
