Vol. 476 No. 2
87 D'fhiafraigh Éamon Ó Cuív den Aire Sláinte an bhfuil sé sásta cead a thabhairt do Bhord Sláinte an Iarthair Oifigeach Leasa Pobail lán-aimsireach a cheapadh d'Oileáin Árann; agus go n-íocfar liúntas Oileánda leis an duine sin, de bharr go bhfuil ar an Oifigeach Leasa Pobail freastal ar thrí Oileán éagsúlá agus dul le haghaidh traenála ar an mór-thír, agus de bharr líon na gcuairteoirí a théann go hÁrainn gach bliain; agus an ndéanfaidh sé ráiteas ina thaobh. [6832/97]
Limerick East): Sa pholasaí láithreach fostaíochta don tseirbhís sláinte tá riachtanais na seirbhíse agus ceapachán foirne de réir na riachtanas sin mar chúram sa chéad áit ar an údarás fostaíochta atá i gceist ag cur san áireamh na dteorainneacha buigéide agus fostaíochta atá i bhfeidhm. Dá bhrí sin, tá ceapachán oifigeach leasa pobail laistigh de Bhórd Sláinte an Iarthair mar chúram ar an mbórd sin.
Tá fiosrúcháin déanta leis an mBórd Sláinte faoi na hábhair atá luaite ag an dTeachta agus deir an Bórd go bhfuil oifigeach leasa pobail fostaithe faoi láthair ar bhonn seast, páirt-aimseartha ar na hOileáin Arainn. Chuir an bórd in iúl freisin nach n-éilíonn an méid oibre ceapachán oifigeach leasa pobail lán-aimseartha do na hoileáin.
Ba mhaith liom cur in iúl freisin gur thug mo Roinn ceadú chun an liúntas oileánda a íoc don duine atá sa phost ar bhonn pro rata in Aibreán 1996.
