Dírím aird an Teachta ar an bhfreagra a thug mé ar Cheist Uimh. 316 den 16 Feabhra 1999 uaidh. Ceadaíodh an tionscadal seo sa bhliain 1997. Is gnó d'Údarás na Gaeltachta agus do na príomhaithe an togra a chur i bhfeidhm. Tuigtear dom gur chuir an ghéarchéim gnó agus airgeadais in Oirdheisceart na hÁise moill ar chúrsaí go dtí tús na bliana seo, go bhfuil céimeanna tábhachtacha glactha ó shin chun an gnó a thosú, go bhfuil an togra á phlé go gníomhach idir na príomhaithe agus an tÚdarás faoi láthair agus go bhfuil i gceist dul ar aghaidh leis an ngnó a bhunú mar a bhí beartaithe ó thús.