Vol. 557 No. 5
224 D'fhiafraigh Mr. McGinley den Aire Gnóthaí Pobail, Tuaithe agus Gaeltachta an bhfuil iarratas ina Roinn le haghaidh deontais do chéidh Rannaigh (Árainn Mhór i nDún na nGall) agus cén seasamh atá ag an iarratas faoi láthair. [22866/02]
Ar iarratas mo Roinnse, tá réamh-thuarascáil déanta ag Comhairle Chontae Dhún na nGall ar fhorbairt na saoráidí calaíochta ag Rannach, Árainn Mhór. Tá an tuarascáil sin á meas faoi láthair ag mo Roinnse i gcomhthéacs na n-iarratas eile atá faighte agam agus an airgid atá ar fáil dom i leith forbairt na n-oileán.
