Dáil Éireann debate -
Tuesday, 27 May 2003

Vol. 567 No. 5

Written Answers. - Job Creation.

Brian O'Shea

Question:

89 D'fhiafraigh Mr. O'Shea den Aire Gnóthaí Pobail, Tuaithe agus Gaeltachta cén dul chun cinn atá déanta ag an Roinn agus ag Údarás na Gaeltachta ó thaobh chur i bhfeidhm moltaí an ghrúpa oibre ar fhostaíocht a chruthú sa Ghaeltacht; agus an ndéanfaidh sé ráiteas ina leith. [14402/03]

Minister for Community, Rural and Gaeltacht Affairs (Éamon Ó Cuív)

Tá na moltaí atá déanta i dtuarascail an ghrúpa oibre ar chruthú fostaíochta sa Ghaeltacht á scrúdú ag mo Roinn faoi láthair, i gcomhair le hÚdarás na Gaeltachta, chun féachaint conas is fearr iad a chur i gcrích.

Mar shampla, pléadh na moltaí éagsúla i dtaobh forbairt fiontair agus cruthú fostaíochta ag cruinniú le gairid idir oifigigh ón Roinn Fiontar, Trádála agus Fostaíochta agus a cuid áisinteachtaí, Údarás na Gaeltachta agus mo Roinn féin. Chomh maith leis sin, bhí plé ag mo Roinnse leis an Roinn Ealaíon, Spóirt agus Tuarasóireachta maidir leis an bpoitéinseal atá ag tionscal na turasóireachta, go hairithe an turasóireacht chultúrtha, chun deiseanna fostaíochta inmharthanacha a chruthú sa Ghaeltacht.

Ba mhaith liom a dhearbhú aris gurb í an Ghaeilge an acmhainn is luachmhaire atá sa Ghaeltacht agus, go deimhin féin, beidh forbairt na Gaeltachta san am amach romhainn ag brath cuid mhór ar an Ghaeilge bheith slán mar theanga labhartha inti. Is chuige sin gur shocraigh mé i gcomhar leis an údarás go mbeadh 20% dá bhuiséad caipitil a chur i dtreo tograí agus tion scadail go bhfuil sé follasach go bhfuil an Ghaeilge lárnach dá gcuid gníomhaíochtaí. Treisíonn an polasaí seo moltaí atá déanta sa tuarascáil.

Ag eascairt as an tuarascáil fresin, tá plean gníomhaíochta curtha le chéile ag Údarás na Gaeltachta chun dul i ngleic le fadhb na dífhostaíochta in iar-thuairsceart Dhún na nGall. Chomh maith le hoifigeach sinsearach a cheapadh in oifig an údaráis i nGaoth Dobhair, tá coiste feidhmiúcháín bunaithe chun cabhrú leis an bplean seo a chur i gcrích. Bhí an chéad chruinniú ag an gcoiste seo i nGaoth Dobhair ar 29 Aibreán 2003.