Eamon Gilmore
Question:70 D’fhiafraigh Mr. Gilmore den Aire Gnóthaí Pobail, Tuaithe agus Gaeltachta cén dul chun cinn atá déanta i leith teorainn na Gaeltachta a athrú. [16807/04]
View answerThursday, 3 June 2004
Questions (79)
Written answers
Moladh i dtuarascáil Choimisiún na Gaeltachta go mba chóir staidéar cuimsitheach teangeolaíoch ar an nGaeltacht a thionscnamh. Mar is eol don Teachta, d'fhógair mé ar 31 Eanáir 2004 go raibh conradh chun staidéar ar úsáid na Gaeilge sa Ghaeltacht á bhronnadh ar Acadamh na hOllscolaíochta Gaeilge, Ollscoil na hÉireann, Gaillimh, i gcomhar leis an Institiúid Náisiúnta um Anailís Réigiúnach agus Spásúil, Ollscoil na hÉireann, Má Nuad.
Meastar go dtógfaidh an staidéar, a thosaigh i mí Aibreáin, dhá bhliain go leith le cur i gcrích, rud a fhágann nach mbeidh torthaí críochnúla ar fáil go dtí mí Mheán Fómhair 2006 ar a thúisce. Bainfear úsáid as torthaí an staidéir mar bhunús chun forbairt theangeolaíoch na Gaeltachta mar cheantar labhartha Gaeilge a threisiú agus chun athbhreithniú a dhéanamh ar na limistéir oifigiúla Ghaeltachta, faoi mar a moladh i dTuarascáil an Choimisiúin. Cuirfear aon mholtaí maidir le hathruithe ar na limistéir faoi bhráid an Rialtais in am tráth.
Question No. 71 answered with QuestionNo. 18.