Dáil Éireann Debate, Tuesday - 14 December 2004
72 D’fhiafraigh Mr. McGinley den Aire Gnóthaí Pobail, Tuaithe agus Gaeltachta an bhfuil sé de thuairim aige go mbeidh easnamh mór ar liúntas caipitiúil Údarás na Gaeltachta don bhliain 2005; agus an ndéanfaidh sé ráiteas ina leith [33268/04]
View answerBa mhaith liom a mheabhrú don Teachta go bhfuil €23.5 milliúin curtha ar fáil d'Údarás na Gaeltachta i leith caiteachais chaipitil sna Meastacháin choimrithe don bhliain 2005. Is méadú 7% é seo ar an soláthar a cuireadh ar fáil i 2004. Anuas air seo, tuigim ón údarás go bhfuiltear ag súil le €7 milliún a fháil i 2005 ó fhoinsí éagsúla — díol sócmhainní, aisíoc deontas agus fáltais eile — agus beidh an t-airgead seo le caitheamh ar thograí caipitil chomh maith.
