Dáil Éireann Debate, Tuesday - 16 October 2012
518. D'fhiafraigh Deputy Éamon Ó Cuív den Aire Talmhaíochta, Bia agus Mara cén fáth go bhfuil moill le híocaíocht deontais faoin scéim um limistéir faoi mhíbhuntáiste le feirmeoir (sonraí leis seo); agus an ndéanfaidh sé ráiteas ina thaobh. [44266/12]
View answerFuarthas iarratas faoin Scéim um Limistéir faoi Mhíbhuntáiste 2012 ón duine ainmnithe an 13 Aibreán 2012. Níor eisíodh íocaíocht go fóill, áfach, mar nárbh fhéidir go dtí seo a fhíorú gur comhlíonadh ceann de Théarmaí agus Coinníollacha Scéim 2012, a bhaineann le meánmhéid bliantúil de 0.15 aonad beostoic a choimeád in aghaidh an acra foráiste dearbhaithe. Chomh luath agus is féidir an coinníoll sin a fhíorú, déanfar an cás a phróiseáil le súil agus íocaíocht a dhéanamh chomh luath ina dhiaidh sin agus is féidir.
