Dáil Éireann Debate, Thursday - 6 December 2012
66. D'fhiafraigh Deputy Éamon Ó Cuív den Aire Ealaíon, Oidhreachta agus Gaeltachta cé mhéad deontas a ceadaíodh do Chomhar Chuigéil ó 2007 go dáta, cé mhéad deontas díobh sin a íocadh amach, cén méid den airgead a ceadaíodh atá fós gan tarraingt, céard a chaithfear a dhéanamh leis an airgead seo a fháil; agus an ndéanfaidh sé ráiteas ina thaobh. [54958/12]
View answerSeo a leanas sonraí na ndeontas atá ceadaithe do Chomhar Chuigéal Teo. faoi Scéimeanna Tacaíochta Gaeltachta mo Roinne ó 2007 go dáta:
|
Sonraí an deontais |
Ceadaithe € |
Íoctha € |
Fuílleach € |
|
Obair athchóirithe ar an gclós (2008) |
30,582 |
20,182.06 |
10,399.94 |
|
Athchóiriú an chórais séarachais (2012) |
18,222 |
0 |
18,222.00 |
|
Iomlán |
48,804 |
20,182.06 |
28,621.94 |
Sa chaoi is go mbeifear in ann fuílleach an dá dheontais thuasluaite a chúiteamh, bheadh gá bailchríoch a bheith curtha leis an ngné a bhaineann leis an ngníomhas cúnaint agus muirir. Tuigtear dom go bhfuil an t-ábhar seo á leanúint suas leis na páirtithe cuí. Maidir leis an deontas i leith an chórais séarachais, ní foláir don iarratasóir na coinníollacha eile a cuireadh leis an deontas ag am a cheadaithe a chomhlíonadh. Tuigtear dom go bhfuil sé sin mínithe don chomharchumann.
