Dáil Éireann Debate, Wednesday - 16 January 2013
563. D'fhiafraigh Deputy Éamon Ó Cuív den Aire Ealaíon, Oidhreachta agus Gaeltachta cén uair a dhéanfar tairiscintí le haghaidh na seirbhíse aeir go dtí na hOileáin Árann a logáil ó tharla go dtagann deireadh leis an gconradh reatha ag deireadh mhí Lúnasa [1196/13]
View answer564. D'fhiafraigh Deputy Éamon Ó Cuív den Aire Ealaíon, Oidhreachta agus Gaeltachta an bhfuil sé i gceist síneadh a chur leis an gconradh seirbhíse aeir go dtí na hOileáin Árann [1197/13]
View answerTógfaidh mé ceisteanna 563 agus 564 le chéile.
Mar is eol don Teachta, tá mo Roinn ag scrúdú na ceiste a bhaineann le hathnuachan an chonartha don tseirbhís aeir do na hOileáin Árann. Tá an scrúdú sin á dhéanamh i gcomhthéacs na gconarthaí uile atá ag mo Roinn do sheirbhísí iompair do na hoileáin agus i gcomhthéacs an tsoláthair airgid atá ag mo Roinn do na seirbhísí sin. Déanfar cinneadh maidir leis an tseirbhís aeir go luath.
