Dáil Éireann Debate, Wednesday - 30 January 2013
29. D'fhiafraigh Deputy Michael P. Kitt den Aire Ealaíon, Oidhreachta agus Gaeltachta an bhfuil plean aige chun féilte a eagrú sna Gaeltachtaí mar gheall ar Thóstal Éireann, cé méid airgid atá i gceist. [4455/13]
View answerFaoi mar is eol don Teachta, tá scéim ar leith ag Údarás na Gaeltachta chun tacú le féilte traidisiúnta sa Ghaeltacht. Maidir le Tóstal Éireann, comhairlítear dom go bhfuil sé i gceist ag an Údarás, agus measúnú á dhéanamh acu ar iarratais i leith féilte sa Ghaeltacht in 2013, béim ar leith a leagan ar imeachtaí a bhfuil sé mar aidhm acu cuairteoirí a mhealladh go hÉirinn mar chuid den Tóstal.
