Dáil Éireann Debate, Wednesday - 18 September 2013
46. D'fhiafraigh Deputy Pearse Doherty den Aire Ealaíon, Oidhreachta agus Gaeltachta an raibh aon phlé aige leis an Roinn Oideachais agus Scileanna maidir le hathbhreithniú ar an gcuraclam do scoileanna Gaeltachta; an mbeidh aon ionchur aige ar na téarmaí tagartha d’aon athbhreithniú den chinéal sin; agus an ndéanfaidh sé ráiteas ina thaobh. [38491/13]
View answerGlacaim leis go bhfuil an Teachta ag tagairt don athbhreithniú atá beartaithe ag an Roinn Oideachais agus Scileanna a dhéanamh ar an oideachas a chuirtear ar fáil sa Ghaeltacht chun soiléiriú a dhéanamh ar a polasaí i leith oideachais trí mheán na Gaeilge i scoileanna Gaeltachta. Is féidir liom a rá go raibh oifigigh na Roinne Oideachais agus Scileanna i ndáil chomhairle le hoifigigh mo Roinnse maidir le téarmaí tagartha an athbhreithnithe seo.
