Dáil Éireann Debate, Thursday - 6 March 2014
31. D'fhiafraigh Deputy Peadar Tóibín den Aire Ealaíon, Oidhreachta agus Gaeltachta cad é an buiséad a bhí ag Údarás na Gaeltachta chun fostaíocht a chruthú sa Ghaeltacht, cad iad na rátaí dífhostaíochta i gceantair Ghaeltachta; cé mhéad post a chruthaigh Údarás na Gaeltachta le 5 bliana anuas agus an ndéanfaidh sé ráiteas ina thaobh. [10738/14]
View answerTá buiséad iomlán de €17.485 milliún curtha ar fáil i Vóta mo Roinne d’Údarás na Gaeltachta i mbliana chun cuidiú lena chuid spriocanna a bhaint amach, lena n-áirítear buiséad caipitil de €5.687 milliún. Anuas air sin, tá cead ag an Údarás an fáltas a fhaightear ó dhíol maoine a athinfheistiú ina chlár caipitil. Tuigim go mbeidh fáil ag Údarás na Gaeltachta ar thart ar €2 mhilliún eile i mbliana chun na críche sin.
Tá an méid post a chruthaigh Údarás na Gaeltachta do na bliana 2009 - 2013 léirithe sa tábla thíos:
|
Bliain |
Méid post a cruthaíodh |
|
2009 |
710 |
|
2010 |
704 |
|
2011 |
734 |
|
2012 |
689 |
|
2013 |
616 |
Ar deireadh, tuigim ón Údarás nach bhfuil na figiúirí maidir le rátaí dífhostaíochta sa Ghaeltacht ar fáil ag an eagraíocht. Tuigtear dom go mbeadh na figiúirí sin ag an Roinn Coimirce Sóisialaí.
