Dáil Éireann Debate, Tuesday - 15 April 2014
513. D'fhiafraigh Deputy Éamon Ó Cuív den Aire Talmhaíochta, Bia agus Mara cén uair a dhéanfar íocaíocht faoi REPS4 le feirmeoir i gContae na Gaillimhe (sonraí leis seo); cén fáth a bhfuil moill ar an íocaíocht seo; agus an ndéanfaidh sé ráiteas ina thaobh. [17276/14]
View answerChuaigh an duine ainmnithe isteach sa Scéim REPS 4 in Aibreán 2008 agus fuair íocaíochtaí don chéad chúig bliana den chonradh.
Is beart faoin gClár um Fhorbairt Tuaithe 2007-13 é REPS 4 agus tagann faoi réir Rialacháin AE. Faoi na Rialacháin sin éilítear seiceálacha riaracháin mhionsonraithe a thabhairt i gcrích ar gach iarratas sula ndéantar aon íocaíocht. Tá na seiceálacha sin tugtha chun críche maidir le híocaíochtaí 2013 agus údaraíodh 75% d’íocaíocht Bhliain 6 an 14 Aibreán 2014. Íocfar an 25% atá fanta go gairid ina dhiaidh sin.
