Dáil Éireann Debate, Thursday - 3 July 2014
89. D'fhiafraigh Deputy Éamon Ó Cuív den Aire Caiteachais Phoiblí agus Athchóirithe cén líon daoine a earcaíodh don státseirbhís le trí bliana anuas atá inniúil ar a gcuid oibre a dhéanamh trí Ghaeilge; agus an ndéanfaidh sé ráiteas ina thaobh. [28857/14]
View answerMar is eol don Teachta, tá cur chuige nua chun tacú le cumas Gaeilge sa Stát Seirbhís ceadaithe ag an Rialtas in áit an chórais faoina dtugtaí marcanna breise le haghaidh cumas Gaeilge i gcomórtais earcaithe agus ardú céime don Stát Seirbhís.
De réir an chórais nua, tá beartais á dtabhairt isteach chun an líon daoine atá cumasach sa dá theanga a mheadú faoi chur chuige maidir le earcú agus, mar is cuí, arduithe céime atá bunaithe níos mó ar riachtanais an phoist.
Mar chéad chéim, tá na socraithe nua á gcur i bhfeidhm ar bhonn trialach do chomórtas do oifigigh chléireachais atá á reachtáil faoi láthair ag an Seirbhís um Cheapacháin Phoiblí.
