Dáil Éireann Debate, Wednesday - 24 October 2018
213. D'fhiafraigh Deputy Éamon Ó Cuív den Aire Gnó, Fiontar agus Nuálaíochta cad iad na céimeanna atá tógtha aige lena dhéanamh cinnte go bhfuil dóthain daoine ar fáil in a Roinn le seirbhísí a chur ar fáil dóibh siúd ar mian leo a ngnóthaí a dhéanamh trí Ghaeilge leis an státseirbhís; agus an ndéanfaidh sí ráiteas ina thaobh. [44374/18]
View answer214. D'fhiafraigh Deputy Éamon Ó Cuív den Aire Gnó, Fiontar agus Nuálaíochta cén céadatán den státseirbhís atá inniúil chun seirbhísí in a Roinn a chur ar fáil trí Ghaeilge; agus an ndéanfaidh sí ráiteas ina thaobh. [44395/18]
View answerMolaim ceisteanna Uimh. 213 agus 214, cuimsitheach, a fhreagairt le chéile.
Tá mo Roinn tiomanta go hiomlán dá Scéim Teanga Gaeilge lena gclúdaítear an tréimhse 2015 – 2018, a ullmhaíodh de réir Ailt 15 d’ Acht na dTeangacha Oifigiúla 2003, a thógann ar phrionsabail seirbhís ardchaighdeáin do Chustaiméirí agus ar an dtiomantas i gCairt Chustaiméara na Roinne lena chinntiú go bhféadfaidh custaiméirí a gcuid gnó a dhéanamh trí Ghaeilge más mian leo. De réir na Scéime seo, tá mo Roinn tiomanta measúnú leanúnach ar leibhéal an éilimh le haghaidh seirbhísí trí Ghaeilge a dhéanamh ar bhealach pleanáilte, comhtháite agus inrochatana.
Dheimhnigh suirbhé ar an bhfoireann a rinneadh níos luaithe sa bhliain seo chun leibhéal an éilimh ar sheirbhísí trí Ghaeilge a ndeileálann an Roinn leis a fháil amach, gurbh an-íseal a bhí an líon cumarsáidí a fuarthas i nGaeilge bíodh said i scríbhinn, ar an nguthán nó ar bhonn duine le duine.
I 2017, thóg an t-Aonad Foghlama agus Forbartha faoi suirbhé a dhéanmah lena chinntiú an líon cainteoirí Gaeilge sa Roinn. Ag an am sin, aithníodh go raibh 7 mball foirne líofa sa Ghaeilge. De bhreis air sin, lena chinntiú go bhfuil teacht ar mo Roinn agus go bhfuil sí cumasach ó thaobh dul i dteaghmháil leis na custaiméirí go léir le hinniúlacht, cuireann an t-Aonad Foghlama gus Forbartha Oiliúint sa Ghailge ar fáil. Táthar ag cur na hoiliúna sin ar fáil le go mbeidh cohórt ball foirne ar fáil againn a fhéadann cabhrú le haonaid ghnó freagra a thabhairt do chliaint ar mian leo cumarsáid a dhéanamh trí Ghaeilge, chomh maith le tacú le baill foirne a gcuid scileanna teanga agus a scileanna seirbhísí custaiméara a fhorbairt. Sa mhéid seo, tá cohórt de 14 bhall foirne, gurb ionann iad le 1.5% de líon iomlán na mball foirne sa Roinn, (909).
De bhreis air sin, tá 18 mball foirne, gurb ionann iad le beagnach 2% de líon iomlán na mball foirne sa Roinn ag fáil oiliúna nó a bhfuil oiliúint sa Ghaeilge bainte amach acu i 2018 (féach an tábla thíos)
Teastas sa Ghaeilge Ghairmiúil
|
Leibhéal |
Líon na mBall Foirne |
|
Leibhéal 3 |
3 |
|
Leibhéal 4 |
7 |
|
Leibhéal 5 |
4 |
|
Leibhéal 6 |
2 |
|
Cúrsa ar líne do Thosaitheoirí |
2 |
|
Iomlán |
18 |
