Dáil Éireann Debate, Thursday - 21 February 2019
64. D'fhiafraigh Deputy Dara Calleary den Aire Cultúir, Oidhreachta agus Gaeltachta cé mhéad airgead a bheartaítear a chur ar fáil in 2019 d’Údarás na Gaeltachta, agus an méid sin briste síos idir soláthar caipitil agus reatha; cé mhéad airgead a bheartaítear a sholáthar don Údarás faoin bPlean Forbartha Náisiúnta (Tionscadal Éire 2040); agus an ndéanfaidh sí ráiteas ina thaobh. [8593/19]
View answerLéiríonn an tábla thíos an soláthar airgid atá curtha ar fáil d’ Údarás na Gaeltachta in 2019:
|
Údarás na Gaeltachta |
2019 Reatha €000 |
2019 Caipitil €000 |
|
C6 - Reatha Riaracháin |
€9,442 |
|
|
C7 - Reatha (Teangabhunaithe) |
€3,850 |
|
|
C8 – Caipiteal |
|
€9,700* |
|
Iomlán |
€13,292 |
€9,700 |
*Maidir leis an soláthar caipitil do 2019, tá suim de €0.7m nár chaith mo Roinn in 2018 tugtha ar aghaidh go 2019 le cur isteach i mbuiséad caipitil an Údaráis. Ciallaíonn sé seo go mbeidh buiséad iomlán caipitil de €9.7m á chur ar fáil ag mo Roinn don Údarás in 2019 le caitheamh ar thograí fostaíochta agus tá sé san áireamh sa bhfigiúr a sholáthraítear.
Ár ndóigh, sa bhreis air sin, ní miste a mheabhrú don Teachta go bhfuil maoiniú de €3.86m san iomlán ceadaithe faoin gCiste um Athghiniúint agus Forbairt Tuaithe do sheacht thogra rathúil de chuid Údarás na Gaeltachta agus go bhfuil maoiniú caipitil de €2m á chur ar fáil faoin gCiste Forbartha Réigiúnach chun ionad nuálaíochta agus forbartha mara a fhorbairt ar Pháirc na Mara i gCill Chiaráin, Co. na Gaillimhe.
leis an bPlean Forbartha Náisiúnta 2018-2027, is mian liom a chur in iúl don Teachta go bhfuil gealltanas tugtha ann go méadófar, ar bhonn chéimiúil, buiséad caipitil Údarás na Gaeltachta go €12m in aghaidh na bliana. Tá céim shuntasach tógtha ag an Rialtas chuige sin i mbliana le bunbhuséad na heagraíochta méadaithe ó €7m i 2018 go €9m i 2019. Tiocfaidh tuilleadh sonraí chun cinn maidir le maoiniú do thograí agus cláir ar leith, chomh maith le hamscála an chaiteachais ina leith, de réir mar a rachfar tríd an bpróiseas meastóireachta agus pleanála atá leagtha síos faoin gCód um Chaiteachas Poiblí.
