Dáil Éireann Debate, Friday - 6 September 2019
2037. D'fhiafraigh Deputy Pat The Cope Gallagher den Aire Cultúir, Oidhreachta agus Gaeltachta cén leibhéal maoinithe atá ceadaithe do bhóithre ar oileáin Dhún na nGall don bhliain reatha; an bhfuil aon oileán eile á mheas do mhaoiniú laistigh den iarratas ó Chomhairle Contae Dhún na nGall chuig a Roinn; agus an ndéanfaidh sí ráiteas ina thaobh. [36457/19]
View answer2038. D'fhiafraigh Deputy Pat The Cope Gallagher den Aire Cultúir, Oidhreachta agus Gaeltachta an dtabharfaidh sí cuntas ar an méid maoinithe a ceadaíodh d’oileáin Dhún na nGall sa bhliain 2019; an dtabharfaidh sí cuntas maidir le pleananna maoinithe don todhchaí d’oileáin amach ó chósta Dhún na nGall don bhliain 2019; an ndéanfaidh sí comparáid idir maoniú don bhliain 2019 agus blianta eile ó 2007 go 2018; agus an ndéanfaidh sí ráiteas ina thaobh. [36458/19]
View answerTógfaidh mé Ceisteanna Uimh. 2037 agus 2038 le chéile.
Is féidir liom a dheimhniú don Teachta go bhfuil iarratas faoin Chlár Mionoibreacha do 2019 faighte ag mo Roinn ó Chomhairle Chontae Dhún na nGall. Clúdaíonn an t-iarratas oibreacha ar oileán Árainn Mhór, Uaigh, Toraigh agus Gabhla. Tá an t-iarratas dhá scrúdú sa Roinn faoi láthair na huaire i gcomhthéacs an tsoláthair airgid atá ar fáil i mbliana agus na h-éilimh éagsúla ar an soláthar sin.
Léiríonn an tábla thíos an leibhéil maoinithe atá ceadaithe ag mo Roinn as soláthar caipiteal na n-oileán ar oileáin Dhún na nGall ó 2007 go dtí 2018:
|
Bliain |
Maoiniú Ceadaithe |
|
2007 |
€352,495 |
|
2008 |
€1,081,455 |
|
2009 |
€20,000 |
|
2010 |
€75,098 |
|
2011 |
€102,715 |
|
2012 |
€383,875 |
|
2013 |
€110,158 |
|
2014 |
€0 |
|
2015 |
€327,774 |
|
2016 |
€135,050 |
|
2017 |
€540,611 |
|
2018 |
€372,125 |
