Tá punann maoine forleathan ag Údarás na Gaeltachta sna seacht gContae Gaeltachta ar a bhfuil an eagraíocht ag freastal. Tá gá sciar de na foirgnimh a uasghrádú agus a chur in oiriúint do riachtanais an lae inniu agus iad a dhéanamh níos éifeachtaí ó thaobh chúrsaí fuinnimh de chomh maith.
Is é uaillmhian Údarás na Gaeltachta go mbeidh córas fuinnimh inathnuaite ag 50% dá gcuid foirgnimh faoi 2030. Sa bhreis air sin, tá an deis ann tograí pobail agus tráchtála a fhorbairt sa réimse fuinnimh inathnuaite a thacóidh le deiseanna fostaíochta a chur ar fáil san eacnamaíocht ghlas.
Sa sciar neamhfhorbartha de phunann talún an Údaráis tá portaigh, talamh féarach agus píosaí talamh aonarach i gceist chomh maith le talamh ar léas ag cliaint nó geallshealbhóirí áitiúla eile (Comhairle Contae, comharchumann srl). Ina measc freisin tá suímh straitéiseacha tionsclaíocha atá oiriúnach do fhorbairt fiontraíochta nuair a thagann tionscadal iomchuí chun tosaigh, faoi réir maoiniú a bheith ar fáil.
Tá an briseadh síos ar an talamh neamhfhorbartha ar fáil thíos:
Punann Talamh Údarás na Gaeltachta
|
Iomlán (acra)
|
Neamhfhorbartha (acra)
|
Co. Dhún na nGall
|
451.73
|
73.21
|
Co. Mhaigh Eo
|
109.24
|
54.86
|
Co. na Gaillimhe
|
2,353.64
|
190.69
|
Co. na Mí
|
5.00
|
0.00
|
Co. Chiarraí
|
365.50
|
46.00
|
Co. Chorcaí
|
102.66
|
14.00
|
Co. Phort Láirge
|
14.90
|
8.00
|
Iomlán (acra)
|
3,402.67
|
386.76
|
Níl aon talaimh neamhfhorbartha ag mo Roinn fhéin.