Dáil Éireann Debate, Thursday - 30 September 2021
403. D'fhiafraigh Deputy Éamon Ó Cuív den Aire Forbartha Tuaithe agus Pobail an bhfuil i gceist aici seirbhís farrantóireacta le deontas a chur ar fáil le cinntiú go mbeidh bád ó Dhúlainn, Contae an Chláir le freastal ar Inis Meáin sa samhradh le cinntiu go mbeidh leas eacnamaíochta ag an oileán seo ó thurasóireacht o Chontae an Chláir; agus an ndéanfaidh sí ráiteas ina thaobh. [47382/21]
View answerFaoi láthair tá seirbhís chuimsitheach farantóireachta ó thrí oileáin Árainn go Ros a’ Mhíl á fhóir dheonú ag mo Roinn. Is ar mhaithe lena chinntiú go bhfuil fáil ag pobail iomlán na n-oileáin ar rochtain taistil atá sábháilte agus ar féidir brath orthu ó cheann ceann na bliana atá an fóirdheontas dhá íoc. Tá ag éirí go maith leis an t-seirbhís, rud a thacaíonn go mór leis na pobail atá cur fuatha ar na h-oileáin.
Níl sé i gceist agam aon deontas breise a chuir ar fáil le seirbhísí nua farantóireachta chuig aon cheann d’oileáin Árainn a mhaoiniú. Tá na seirbhísí fóir-dheonaithe atá ann faoi láthair dóthanach agus ag freastal go maith ar mhianta na n-oileánaigh.
