Táimid tiomanta a chinntiú go bhfaighidh gach úsáideoir rochtain ar ár n-inneachar.

Caighdeáin

Tá sé mar aidhm ag ár suíomh gréasáin na caighdeáin AA atá leagtha síos ag na Treoirlínte maidir le hInrochtaineacht Ábhair ar an nGréasán (WCAG) 2.0 a bhaint amach.

Amharc don léitheoir

Tá barr feabhais curtha againn ar ár leathanaigh ghréasáin lena léamh ar an scáileán. Chun féachaint ar leagan simplithe den suíomh gréasáin, a bheidh áisiúil chun píosaí móra téacs a léamh, cliceáil Amharc don léitheoir ag barr aon leathanaigh.
Is féidir leat clómhéid an téacs ar an scáileán a athrú freisin ach na teaglamaí eochracha seo a leanas a bhrú:

  • Méadaigh clómhéid    Ctrl agus +
  • Laghdaigh clómhéid   Ctrl agus 
  • Athshocraigh clómhéid         Ctrl agus 0

Teanga Chomharthaíochta na hÉireann (TCÉ)

Is í Teanga Chomharthaíochta na hÉireann an teanga chomharthaíochta a úsáideann formhór daoine bodhra in Éirinn. D’fhonn inrochtaineacht shuíomh gréasáin an Oireachtais a fheabhsú d’úsáideoirí na Teanga Comharthaíochta cuirimid ábhar sínithe ar fáil nuair is féidir.

Tá soláthar TCÉ laistigh dár suíomh gréasáin ar cheann de roinnt moltaí a rinne Grúpa Oibre Thithe an Oireachtais maidir le Teanga Chomharthaíochta na hÉireann. Léigh Tuarascáil an Ghrúpa Oibre ar Theanga Chomharthaíochta na hÉireann (TCÉ) – Straitéis 2019-2021

Éist leis an suíomh gréasáin seo le Browsealoud

Is féidir leat éisteacht leis an téacs ar an suíomh gréasáin seo ag úsáid Browsealoud. Cliceáil an deilbhín Éist sa bhuntásc chun an barra uirlisí Browsealoud a lainseáil. Tá gnéithe inrochtaineachta eile ar fáil freisin ó bharra uirlisí Browsealoud, mar shampla aibhsiú téacs le dhá dhath, formhéadú téacs, mascadh scáileáin agus léamh PDF.

Cabhraigh linn feabhsú

Cuirimid fáilte roimh aiseolas ar ár suíomh gréasáin. Ós rud é go bhfuil feidhmiúlacht an tsuímh gréasáin á nuashonrú agus a feabhsú i rith an ama, d'fhéadfadh deacracht inrochtaineachta teacht chun cinn. Má bhíonn deacrachtaí agat le hinrochtaineacht, déan teagmháil le foireann an tsuímh.