An tAcht um Shaoráid Chobhsaíochta Airgeadais Eorpach, 2010

Bille dá ngairtear Acht d'éascú chobhsaíocht airgeadais an Aontais Eorpaigh, ar mhaithe le leas an phobail, agus chun na críche sin—(a) do dhéanamh socrú maidir le nithe a bhaineann le páirteachas an Stáit sa tSaoráid Chobhsaíochta Airgeadais Eorpach, cuideachta phoiblí theoranta atá corpraithe faoi dhlíthe Ard-Diúcacht Lucsamburg de bhun comhaontaithe idir-rialtasaigh idir Ballstáit áirithe den Aontas Eorpach de bhun thátail Chomhairle Airí Eacnamaíochta agus Airgeadais an Aontais Eorpaigh an 10 Bealtaine 2010 maidir le caomhnú cobhsaíochta airgeadais san Eoraip agus faoi réir théarmaí Chreat-Chomhaontú SCAE a rinne Ballstáit áirithe de pháirt agus an tSaoráid Chobhsaíochta Airgeadais Eorpach den pháirt eile, (b) do dhéanamh socrú maidir le nithe a bhaineann le ráthaíochtaí arna dtabhairt ag an Stát chun críocha an Chomhaontaithe a rinneadh amhlaidh,(c) do dhéanamh socrú maidir le híocaíochtaí a bheidh le déanamh as an bPríomh-Chiste nó as toradh fáis an Chiste sin chun a chumasú éifeacht a thabhairt don Chomhaontú a rinneadh amhlaidh,(d) do dhéanamh socrú maidir leis na fáltais go léir a gheofar faoin Acht seo, lena n-áirítear fáltais i leith airgid a airleacfar nó ráthaíochtaí a thabharfar, a íoc isteach sa Státchiste,(e) do leasú an Achta um Shaoráid Iasachta Limistéar an Euro 2010, agus(f) do dhéanamh socrú i dtaobh nithe gaolmhara

Nuashonraithe go deireanach: 3 Iúil 2010

Urraithe ag: Minister for Finance

Foinse: Government

Teach Tionscnaimh: Dáil Éireann