An tAcht um Cheartas Coiriúil (Fianaise Dlí-Eolaíochta agus Córas Bunachair Sonraí DNA), 2014

Bille dá ngairtear Acht do leasú an dlí d'fhonn a údarú samplaí colainne a thógáil le haghaidh tástáil dlí-eolaíochta ó dhaoine a bhfuil drochamhras orthu i leith cionta coiriúla áirithe; do dhéanamh socrú maidir le samplaí colainne áirithe a thógáil ó dhaoine ar deoin leo go dtógfaí samplaí den sórt sin uathu d'fhonn imscrúdú a dhéanamh ar chionta nó ar eachtraí a bhféadtar go raibh déanamh cionta i gceist iontu; do dhéanamh socrú go mbunóidh agus go n-oibreoidh Eolaíocht Fhóiréinseach Éireann de chuid na Roinne Dlí agus Cirt agus Comhionannais Córas Bunachair Sonraí DNA; do dhéanamh socrú maidir le samplaí colainne áirithe a thógáil ó dhaoine a bhfuil drochamhras orthu i leith cionta coiriúla áirithe nó a chiontófar i gcionta den sórt sin chun próifílí DNA a iontrálfar sa rannán imscrúdaithe den Chóras Bunachair Sonraí DNA a ghiniúint i leith na ndaoine sin; do dhéanamh socrú maidir le samplaí colainne áirithe a thógáil ó dhaoine áirithe chun na daoine sin a eisiamh agus, más cuí, a bpróifílí DNA a iontráil sa Chóras Bunachair Sonraí DNA; do dhéanamh socrú maidir le samplaí colainne a thógáil ó dhaoine, nó samplaí a thógáil ó nithe, chun próifílí DNA a iontrálfar sa rannán sainaitheantais den Chóras Bunachair Sonraí a ghiniúint i leith na ndaoine sin nó daoine atá ar iarraidh; do dhéanamh socrú maidir le críocha an Chórais sin; do dhéanamh socrú, in imthosca áirithe, maidir le samplaí a thógtar faoin Acht seo a dhíothú agus maidir le haon phróifílí DNA a ghintear ó na samplaí sin a dhíothú nó a bhaint den Chóras Bunachair Sonraí DNA; d'aisghairm an Achta um Cheartas Coiriúil (Fianaise Dlí-Eolaíochta) 1990; do thabhairt éifeachta do Chinneadh 2008/615/JHA an 23 Meitheamh 2008 ón gComhairle agus do Chinneadh 2008/616/JHA an 23 Meitheamh 2008 ón gComhairle, don Chomhaontú idir an tAontas Eorpach agus an Íoslainn agus an Iorua maidir le feidhm an dá Chinneadh sin ón gComhairle agus comhaontaithe idir an Stát agus stát eile a mhéid a bhaineann na Cinntí sin ón gComhairle nó na comhaontuithe sin le comhoibriú i ndáil le cuardach nó comparáid uathoibrithe sonraí DNA nó cuardach uathoibrithe sonraí dhachtalascópacha, de réir mar a bheidh, agus malartú sonraí den sórt sin agus na sonraí tagartha a bhaineann leo, ag údaráis atá freagrach as cionta coiriúla sa Stát agus sna stáit eile sin nó sa stát eile sin, de réir mar a bheidh, a chosc, a bhrath agus a imscrúdú; chun na críche sin agus chun socrú a dhéanamh maidir le cosaint sonraí agus, chuige sin, do leasú an Achta um Chosaint Sonraí, 1988; do leasú an Achta um Cheartas Coiriúil (Cúnamh Frithpháirteach), 2008; do leasú an Achta um an gCúirt Choiriúil Idirnáisiúnta, 2006; do thabhairt éifeachta do Chreat-Chinneadh 2009/905/JHA an 30 Samhain 2009 ón gComhairle maidir le soláthróirí seirbhísí dlí-eolaíochta a sheolann gníomhaíochtaí saotharlainne a chreidiúnú; do leasú an dlí choiriúil a bhaineann le méarloirg agus loirg dhearnan a thógáil ó dhaoine áirithe; agus do dhéanamh socrú i dtaobh nithe gaolmhara

Nuashonraithe go deireanach: 22 Meith 2014

Urraithe ag: Minister for Justice and Equality

Foinse: Government

Teach Tionscnaimh: Dáil Éireann