An tAcht um Tharraingt Siar na Ríochta Aontaithe as an Aontas Eorpach (Forálacha Iarmhartacha), 2020

Bille dá ngairtear Acht do dhéanamh socrú maidir le nithe áirithe de dhroim tharraingt siar na Ríochta Aontaithe as comhaltas den Aontas Eorpach; do dhéanamh socrú maidir leis an gComhlimistéar Taistil idir an Stát agus an Ríocht Aontaithe agus na cearta agus na pribhléidí a bhaineann leis a chosaint agus a chothabháil; do dhéanamh socrú, ar mhaithe le leas an phobail agus ag féachaint don Chomhlimistéar Taistil, chun an fhéidearthacht go dtarlódh suaitheadh tromchúiseach i ngeilleagar an Stáit agus i bhfeidhmiú fónta roinnt margaí, earnálacha agus réimsí sa Stát mar thoradh ar an tarraingt siar sin a laghdú agus chun maolú a dhéanamh, más indéanta sin, ar na héifeachtaí a bheadh ag suaitheadh den sórt sin dá dtarlódh sé sna himthosca sin; i gcomhréir le meon thiomantas an Stáit do Chomhaontú na Breataine-na hÉireann arna dhéanamh i mBéal Feirste an 10ú lá d'Aibreán 1998, agus ag féachaint do chomhaltas an Stáit den Aontas Eorpach, do dhéanamh socrú eisceachtúil maidir le Feidhmeannacht na Seirbhíse Sláinte d’aisíoc le daoine incháilithe a bhfuil cónaí orthu i dTuaisceart Éireann caiteachais liachta áirithe arna dtabhú i mBallstát i leith cóireáil liachta riachtanach le linn dóibh a bheith sa Bhallstát sin; do dhéanamh socrú breise maidir le socruithe eiseachadta idir an Stát agus tíortha eile a oibriú; do thabhairt tuilleadh éifeachta do Threoir 2005/85/CE ón gComhairle an 1 Nollaig 2005 maidir le caighdeáin íosta i ndáil le nósanna imeachta i mBallstáit chun stádas dídeanaí a bhronnadh agus a tharraingt siar; do dhéanamh socrú i ndáil le daoine a gcinnteofar a n-iarratais ar chosaint idirnáisiúnta a bheith neamh-inghlactha; do dhéanamh socrú maidir le haitheantas a thabhairt do cholscarthaí, idirscarthaí dlíthiúla agus neamhnithe pósta áirithe arna ndeonú sa Ríocht Aontaithe nó i nGiobráltar; do dhéanamh socrú chun go leanfaidh feidhm de bheith ag cosaint arna bunú ar phribhléid shrianta ar chaingean chlúmhillte maidir le foilsiú ráiteas áirithe a bhaineann le teagmhais áirithe sa Ríocht Aontaithe nó i dtaca léi; do thabhairt tuilleadh éifeachta do Rialachán (AE) Uimh. 305/2011 ó Pharlaimint na hEorpa agus ón gComhairle an 9 Márta 2011 lena leagtar síos coinníollacha comhchuibhithe maidir le táirgí foirgníochta a mhargú agus lena n-aisghairtear Treoir 89/106/CEE ón gComhairle; chun na gcríoch sin, do leasú achtacháin áirithe; agus do dhéanamh socrú i dtaobh nithe gaolmhara.

Nuashonraithe go deireanach: 10 Noll 2020

Urraithe ag: Minister for Foreign Affairs

Foinse: Government

Teach Tionscnaimh: Dáil Éireann