An tAcht Sláinte (Leasú) (Uimh. 2), 2021

Bille dá ngairtear Acht— A. do dhéanamh socrú eisceachtúil, ar bhonn sealadach, ar mhaithe le leas an phobail agus ag féachaint don bhaol follasach tromaí atá ann don bheatha dhaonna agus don tsláinte phoiblí de dheasca an galar ar a dtugtar Covid-19 agus athraithigh ar an ngalar sin a bheith ag leathadh agus d’fhonn maolú a dhéanamh, i gcás gurb indéanta sin, ar éifeacht leathadh an ghalair sin; do leasú an Achta Sláinte, 1947 chun na críche sin; do dhéanamh socrú maidir le hoibrú dleathach áitreabh áirithe laistigh faoi réir coinníollacha áirithe d’ainneoin srianta atá ann i ndáil le háitribh den sórt sin faoin Acht sin; do dhéanamh socrú, chun na gcríoch sin, maidir le córas daingean agus infhorfheidhmithe chun stádas sláinte daoine áirithe a fhíorú, lena n-áirítear stádas vacsaínithe nó téarnaimh; do thabhairt cumhacht don Aire Sláinte chun nithe a bhaineann leis an méid sin roimhe seo a fhorordú; do dhéanamh socrú maidir le forfheidhmiú; agus do dhéanamh socrú i dtaobh nithe gaolmhara; B. do leasú forálacha áirithe a bhaineann le ceanglais réamhthaistil i leith daoine áirithe a thiocfaidh isteach sa Stát; do leasú na tréimhse a bheidh le caitheamh ag duine ar coraintín i saoráid shainainmnithe in imthosca áirithe; do dhéanamh socrú i ndáil le cumhacht an Aire Sláinte chun rialacháin a dhéanamh i ndáil le tástálacha a fhéadfar a ghlacadh chun Covid-19 a bhrath i gcomhthéacs an cheanglais maidir le coraintíniú i saoráid shainainmnithe agus do thabhairt cumhacht don Aire sin chun an chríoch dá nglacfar an tástáil sin a fhorordú; do dhéanamh socrú nach gceanglófar coraintíniú i saoráid shainainmnithe ar dhaoine áirithe a thiocfaidh isteach sa Stát in imthosca áirithe agus do thabhairt cumhacht don Aire Sláinte chun rialacháin a dhéanamh i ndáil leis na himthosca sin; chun na gcríoch sin, agus chun críoch gaolmhar, do leasú an Achta Sláinte, 1947; agus do dhéanamh socrú i dtaobh nithe gaolmhara.

Nuashonraithe go deireanach: 21 Iúil 2021

Urraithe ag: Minister for Health

Foinse: Government

Teach Tionscnaimh: Dáil Éireann