Acht an Gharda Síochána (Feidhmeanna agus Limistéir Oibríochta), 2022

Bille dá ngairtear Acht do leasú achtacháin áirithe, de dhroim athruithe ar an modh ar a ndéanfar an Garda Síochána a dháileadh agus a chur ar stáisiún ar fud an Stáit; do dhéanamh socrú, maidir le tagairtí in achtacháin áirithe do dhúichí Garda, gur tagairtí iad, nó go ndéanfar iad a fhorléiriú mar thagairtí, do rannáin Garda Síochána; do dhéanamh socrú, maidir le feidhmeanna sonraithe de chuid comhaltaí den Gharda Síochána faoi achtacháin áirithe, go bhféadfaidh comhaltaí ag a bhfuil céim éagsúil iad a chomhlíonadh; do leasú achtacháin áirithe chun socrú a dhéanamh, maidir le tagairtí do dhúiche, gur tagairtí iad do limistéar; do leasú Acht na nArm Teine, 1925 chun socrú a dhéanamh maidir le feidhmeanna sonraithe de chuid ceannfoirt faoin Acht sin a tharmligean chuig Cigire; do dhéanamh socrú chun go bhféadfar fógraí faoin Acht um Chiontóirí Gnéis, 2001 agus faoin Acht um Cheartas Coiriúil, 2006 a thabhairt ag stáisiúin de chuid an Gharda Síochána arna sainainmniú ag Coimisinéir an Gharda Síochána; do chumhachtú don Aire rialacháin a dhéanamh chun ionstraimí reachtúla a leasú d’fhonn éifeacht a thabhairt do chinneadh ó Choimisinéir an Gharda Síochána faoi alt 33(1) d’Acht an Gharda Síochána, 2005; do dhéanamh socruithe idirthréimhseacha i leith na n-athruithe réamhluaite; do dhéanamh socrú maidir le Rialacháin an Gharda Síochána (Roinnt, Ceapacháin agus Smacht), 1924 a chúlghairm; agus do dhéanamh socrú i dtaobh nithe gaolmhara.

Nuashonraithe go deireanach: 4 Beal 2022

Urraithe ag: Minister for Justice

Foinse: Government

Teach Tionscnaimh: Dáil Éireann