An tAcht fán nGníomhaireacht um Fhorbairt Talún, 2021

Bille dá ngairtear Acht do rialáil talamh poiblí iomchuí d’fhonn méadú a dhéanamh ar an méid talún atá ar fáil le haghaidh tithíocht a sholáthar chun aghaidh a thabhairt ar easnaimh sa mhargadh tithíochta; chun na críche sin, do dhéanamh socrú maidir le CGA a fhoirmiú ar a dtabharfar an Ghníomhaireacht um Fhorbairt Talún agus do thabhairt feidhmeanna don Ghníomhaireacht chun talamh poiblí iomchuí a fhorbairt agus a athbheochan le haghaidh tithíocht a sheachadadh agus chun tithíocht a fhorbairt agus a bhainistiú ar an talamh sin agus ar thalamh eile, lena n-áirítear é sin a dhéanamh le daoine nó comhlachtaí eile; dá chumasú don Ghníomhaireacht seirbhísí a sholáthar d’údaráis áitiúla d’fhonn cuidiú leo i gcomhlíonadh a bhfeidhmeanna i ndáil le tithíocht; dá chumasú don Ghníomhaireacht fochuideachtaí a fhoirmiú chun a feidhmeanna a chomhall; do dhéanamh socrú maidir leis an nGníomhaireacht do bhunú agus do chothabháil Clár Talún Poiblí Iomchuí chun talamh is féidir a chur ar fáil le haghaidh tithíochta a shainaithint; do dhéanamh socrú maidir leis an nGníomhaireacht d’fháil talamh poiblí iomchuí, lena n-áirítear trí chéad diúltú a dheonú di i leith díolachán beartaithe; do dhéanamh socrú maidir leis an nGníomhaireacht do cheannach talún go héigeantach; do dhéanamh socrú maidir le ceanglas go ndéanfar cion de theaghaisí arna soláthar ar thalamh poiblí iomchuí agus iarthalamh poiblí iomchuí a chur ar fáil ar bhonn cíos costais, a aistriú chuig údarás pleanála nó a aistriú go díreach de réir Chuid 2 den Acht um Thithíocht Inacmhainne, 2021; do leasú an Achta um Pleanáil agus Forbairt, 2000 chun a chumasú don Ghníomhaireacht feidhmeanna gníomhaireachta forbartha a chomhlíonadh faoi Chuid IX den Acht sin; do leasú an Achta um Ghníomhaireacht Bainistíochta an Chisteáin Náisiúnta (Leasú), 2014 agus an Achta um Ghníomhaireacht Airgeadais do Thithe, 1981; do dhéanamh socrú chun an tOrdú fán nGníomhaireacht um Fhorbairt Talún (Bunú), 2018 (I.R. Uimh. 352 de 2018), an tOrdú fán nGníomhaireacht um Fhorbairt Talún (Leasú), 2018 (I.R. Uimh. 603 de 2018) agus an tOrdú fán Acht um Sheirbhísí Rialtais Áitiúil (Comhlachtaí Corpraithe), 1971 (Comhlachtaí a Ainmniú), 2018 (I.R. Uimh. 604 de 2018) a chúlghairm agus chun feidhmeanna, sócmhainní, dliteanais agus foireann an chomhlachta a bunaíodh faoi na hOrduithe sin a aistriú chuig an nGníomhaireacht um Fhorbairt Talún; agus do dhéanamh socrú i dtaobh nithe gaolmhara.

Nuashonraithe go deireanach: 21 Iúil 2021

Urraithe ag: Minister for Housing, Local Government and Heritage

Foinse: Government

Teach Tionscnaimh: Dáil Éireann