An tAcht Iomaíochta (Leasú), 2022

Bille dá ngairtear Acht do thabhairt éifeacht do chur i ngníomh Threoir (AE) 2019/1 ó Pharlaimint na hEorpa agus ón gComhairle an 11 Nollaig 2018 chun údaráis iomaíochta na mBallstát a chumhachtú le bheith ina bhforfheidhmitheoirí níos éifeachtaí agus chun dea-fheidhmiú an mhargaidh inmheánaigh a áirithiú; chun na críche sin, do dhéanamh socrú maidir le córas forfheidhmiúcháin neamhchoiriúil ar fhorálacha áirithe de chuid an dlí iomaíochta, lena n-áirítear oifigigh bhreithniúcháin neamhspleácha a cheapadh agus cumhachtaí a thabhairt dóibh, agus fógraí toirmisc a eisiúint mar fhreagairt do sháruithe amhrasta áirithe ar an dlí iomaíochta; do dhéanamh socrú maidir le córas forfheidhmiúcháin agus pionós neamhchoiriúil i ndáil le sáruithe áirithe ar an dlí iomaíochta, lena n-áirítear trí bhearta leigheasta neamhchoiriúla struchtúir agus iompraíochta agus smachtbhannaí airgeadais neamhchoiriúla áirithe a fhorchur, agus do dhéanamh socrú maidir le próisis trína bhféadfar achomharc a dhéanamh i gcoinne smachtbhannaí neamhchoiriúla den sórt sin, nó iad a loghadh, nó iad a dhaingniú ag an Ard-Chúirt; do dhéanamh socrú maidir le clár trócaireachta i ndáil le gnóthais áirithe; do dhéanamh socrú maidir le comhar idir údaráis iomaíochta san Aontas Eorpach agus comhlachtaí áirithe sa Stát; do mhéadú na bpionós i leith cionta coiriúla áirithe mar gheall ar an dlí iomaíochta a shárú; do thabhairt cumhachtaí faireachais breise don Choimisiún um Iomaíocht agus Cosaint Tomhaltóirí i ndáil le cionta coiriúla áirithe a imscrúdú; do leasú forálacha áirithe a bhaineann leis an nós imeachta chun fógra a thabhairt do na húdaráis iomchuí i dtaobh cumasc; chun na gcríoch sin agus chun críoch eile, do leasú an Achta Iomaíochta, 2002, an Achta um Iomaíocht agus Cosaint Tomhaltóirí, 2014, an Achta um Rialáil Cumarsáide, 2002, an Achta um Chosaint Tomhaltóirí, 2007 agus an Achta um Cheartas Coiriúil (Faireachas), 2009; agus do dhéanamh socrú i dtaobh nithe gaolmhara.

Nuashonraithe go deireanach: 28 Noll 2022

Urraithe ag: Minister for Enterprise, Trade and Employment

Foinse: Government

Teach Tionscnaimh: Dáil Éireann