An tAcht um Athchóiriú Toghcháin, 2022

Bille dá ngairtear Acht do dhéanamh socrú maidir leis an gCoimisiún Toghcháin a bhunú; do thabhairt don Choimisiún feidhmeanna áirithe i ndáil le Clár na bPáirtithe Polaitíochta a ullmhú agus a chothabháil; do dhéanamh socrú chun go ndéanfaidh an Coimisiún ábhar reifreann a mhíniú don phobal; do dhéanamh socrú chun go ndéanfaidh an Coimisiún faisnéis faoi phróisis toghcháin a sholáthar don phobal agus rannpháirteachas an phobail i bpróisis dhaonlathacha an Stáit a spreagadh; do dhéanamh socrú maidir leis an gCoimisiún d’athbhreithniú toghlach chun comhaltaí a thoghadh chun Dáil Éireann agus chun Parlaimint na hEorpa; do dhéanamh socrú maidir leis an gCoimisiún d’athbhreithniú teorainneacha toghlimistéar údarás áitiúil; do thabhairt feidhm bheartais, thaighde agus chomhairleach don Choimisiún; do dhéanamh socrú chun go ndéanfaidh an Coimisiún formhaoirsiú ar chlár na dtoghthóirí; do thabhairt na cumhachta don Choimisiún chun caighdeáin le haghaidh údaráis chlárúcháin a leagan síos agus moltaí a dhéanamh d’údaráis chlárúcháin nó don Aire i ndáil le toghthóirí a chlárú; do nuachóiriú na socruithe chun toghthóirí a chlárú; do dhéanamh socrú maidir le clárú leanúnach ar bhonn iarratais ó phearsana aonair; do dhéanamh socrú maidir le comhroinnt riachtanach chuí sonraí d’fhonn cabhrú le húdaráis chlárúcháin an clár a nuashonrú agus a chothabháil; do dhéanamh socrú maidir le tuairisciú bliantúil ag údaráis chlárúcháin don Choimisiún; do dhéanamh socrú chun go mbainisteoidh údarás clárúcháin sainainmnithe bunachar sonraí comhroinnte lena úsáid ag údaráis chlárúcháin i gcomhlíonadh a bhfeidhmeanna; do dhéanamh socrú maidir le clárú anaithnid i gcásanna teoranta áirithe; do sholáthar próiseas clárúcháin sonrach do dhaoine nach bhfuil seoladh seasta acu; do dhéanamh socrú maidir le liosta toghthóirí feithimh do dhaoine atá 16 bliana agus 17 mbliana d’aois; do dhéanamh socrú maidir le hearnálacha postvótálaithe a leathnú chun go n-áireofaí iontu vótálaithe speisialta in imthosca áirithe; do sholáthar creata chun go ndéanfaidh an Coimisiún fógraíocht pholaitiúil ar líne a rialáil le linn tréimhsí toghcháin; do dhéanamh socrú maidir le fógráin pholaitiúla ar líne a lipéadú; do dhéanamh socrú maidir le fógraí trédhearcachta le haghaidh fógráin pholaitiúla ar líne; do thabhairt na cumhachta don Choimisiún chun faireachán a dhéanamh ar chomhlíonadh, imscrúduithe a dhéanamh agus gníomh forfheidhmiúcháin a dhéanamh faoin Acht seo a mhéid a bhaineann sé le fógraíocht pholaitiúil ar líne; d’éascú toghchán le linn paindéime nó Covid-19; do dhéanamh socrú maidir le vótaíocht ar na hoileáin; do leasú an Achta Toghcháin, 1997 chun trédhearcacht i ndáil le síntiúis áirithe do pháirtithe polaitíochta a fheabhsú agus chun socrú a dhéanamh, inter alia, maidir le páirtithe polaitíochta d’ullmhú ráitis cuntas bhliantúla chomhdhlúite; do dhéanamh socrú maidir le páirtithe polaitíochta do dhéanamh crannchuir cruinnithe airgid; agus do dhéanamh socrú i dtaobh nithe gaolmhara.

Nuashonraithe go deireanach: 28 Noll 2022

Urraithe ag: Minister for Housing, Local Government and Heritage

Foinse: Government

Teach Tionscnaimh: Dáil Éireann