An tAcht um Pleanáil agus Forbairt, Nithe Muirí agus Luacháil (Leasú), 2022

Bille dá ngairtear Acht do leasú an Achta um Pleanáil agus Forbairt, 2000; do dhéanamh socrú nach bhfógróidh duine maoin áirithe i gcrios brú cíosa lena ligean ar feadh tréimhse nach faide ná 14 lá; do dhéanamh socrú i dtaobh nithe áirithe a bhaineann le hordacháin ón Aire maidir le pleananna forbartha agus pleananna limistéir áitiúil agus le feidhmeanna gaolmhara Oifig an Rialálaí Pleanála; do dhéanamh socrú maidir le comhchomhairle roimh iarratais a dhéanamh ar cheadanna áirithe le haghaidh talamh agus an limistéar muirí a fhorbairt agus ar cheaduithe áirithe ina leith sin, is comhchomhairle i ndáil le mionsonraí i dtaobh na forbartha sin a bhféadfaidh sé nach mbeidh siad daingnithe an tráth a dhéanfar na hiarratais sin; do dhéanamh socrú maidir le hiarratais a dhéanamh chuig an mBord Pleanála i leith tailte a fhorbairt i gcás go ndearnadh iarratas ar thoiliú ionaid leis na tailte sin a fhorbairt, nó i leith tailte atá tadhlach leis na tailte sin a fhorbairt; do chur deireadh leis an gceanglas maidir le hiarratas a dhéanamh ar chead le haghaidh toiliú ionaid faoi Chuid XA den Acht um Pleanáil agus Forbairt, 2000; do dhéanamh socrú i dtaobh nithe áirithe a bhaineann le hathbhreithniú breithiúnach ar bhreitheanna agus ar ghníomhartha de chuid údaráis phleanála, údaráis áitiúla agus an Bhoird Pleanála; do dhéanamh socrú maidir le príomhfheidhmeannach ainmnithe a cheapadh chun an Údaráis Rialála Limistéir Mhuirí agus do dhéanamh socrú i dtaobh nithe eile a bhaineann leis an limistéar muirí, lena n-áirítear nithe a bhaineann le sceidil athbhreithnithe bhreithiúnaigh agus athshlánúcháin agus, chun na gcríoch sin agus chun críoch eile, do leasú an Achta um Pleanáil Limistéir Mhuirí, 2021; dá chumasú don Choimisinéir Luachála le toiliú an Aire Tithíochta, Rialtais Áitiúil agus Oidhreachta ordú luachála a chúlghairm in imthosca áirithe agus, chun na críche sin, do leasú an Achta Luachála, 2001; d’fhadú na tréimhse ar laistigh di a fhoilseofar liosta luachála i ndáil le húdarás rátúcháin agus, chun na críche sin, do leasú an Achta um Thionóntachtaí Cónaithe agus Luacháil, 2020; agus do dhéanamh socrú i dtaobh nithe gaolmhara.

Nuashonraithe go deireanach: 24 Iúil 2022

Urraithe ag: Minister for Housing, Local Government and Heritage

Foinse: Government

Teach Tionscnaimh: Seanad Éireann