Acht an Gharda Síochána (Feistí Taifeadta), 2023

Bille dá ngairtear Acht do dhéanamh socrú chun go bhféadfaidh comhaltaí de phearsanra an Gharda feistí taifeadta a oibriú, nó a chur faoi deara feistí taifeadta a oibriú, in imthosca áirithe; do dhéanamh socrú maidir le coinníollacha breise i dtaobh ceamaraí éide a oibriú; do dhéanamh socrú maidir leis na himthosca ina bhféadfaidh comhaltaí de phearsanra an Gharda sonraí UAUP, lena n-áirítear sonraí iomchuí ó chomhlachtaí iomchuí, a úsáid; do dhéanamh socrú chun glaonna teileafóin áirithe ar an nGarda Síochána nó ón nGarda Síochána a thaifeadadh agus chun na glaonna teileafóin sin a phróiseáil; do thabhairt sracléiriú ar na himthosca ina bhféadfar TCI a shuiteáil nó a oibriú chun críoch áirithe; do dhéanamh socrú maidir le Coimisinéir an Gharda Síochána d’údarú don Gharda Síochána nó d’údarás áitiúil TCI a shuiteáil agus a oibriú chun na gcríoch sin; do dhéanamh socrú chun alt 38 d’Acht an Gharda Síochána, 2005 a aisghairm mar aon le socruithe idirthréimhseacha gaolmhara; do dhéanamh socrú go bhféadfaidh comhaltaí de phearsanra an Gharda, de bhun údarú arna thabhairt ag an gCúirt Dúiche nó de bhun ceadú arna dheonú ag oifigeach uachtarach neamhspleách, an TCI fotha bheo arna oibriú ag tríú páirtí a phróiseáil; do dhéanamh socrú go bhféadfaidh comhalta de phearsanra an Gharda sonraí TCI a choinnítear a iarraidh ar thríú páirtí agus gur cion é mainneachtain sonraí den sórt sin a thabhairt; do dhéanamh socrú chun TCI a shuiteáil nó a oibriú in áitreabh de chuid an Gharda Síochána de bhun údarú; do dhéanamh socrú maidir le dréacht chóid chleachtais a ullmhú i ndáil le hoibriú Chodanna 2 go 6 agus maidir leis an Aire do dhearbhú, le hordú, gur cóid chleachtais iad; do dhéanamh foráil áirithe maidir le hinghlacthacht fianaise; do dhéanamh socrú maidir le hathbhreithniú ar oibriú Chuid 3 agus Chuid 6; do leasú an Achta um Cheartas Coiriúil (Faireachas), 2009; do dhéanamh socrú i dtaobh cionta áirithe; agus do dhéanamh socrú i dtaobh nithe gaolmhara.

Nuashonraithe go deireanach: 5 Noll 2023

Urraithe ag: Minister for Justice

Foinse: Government

Teach Tionscnaimh: Dáil Éireann