An Bille um Fhaisnéis Sláinte, 2024

Bille dá ngairtear Acht do dhéanamh socrú maidir le dualgas a bheith ar sholáthraithe seirbhísí sláinte sonraí sláinte pearsanta othair a chomhroinnt, in imthosca áirithe, le soláthraithe seirbhísí sláinte eile a bhfuil cúram agus cóireáil á soláthar don othar acu freisin; do dhéanamh socrú maidir le Taifead Sláinte Digiteach a chruthú agus a shannadh i leith gach othair; do dhéanamh socrú maidir leis an bhfaisnéis a bheidh i dTaifead Sláinte Digiteach; do dhéanamh socrú maidir le rochtain ag earnálacha áirithe duine ar Thaifead Sláinte Digiteach iomlán nó ar chuid de; do dhéanamh socrú maidir leis an rochtain sin a shrianadh in imthosca áirithe; do sholáthar faisnéis d’othar i ndáil le rochtain ar a Thaifead Sláinte Digiteach nó ar a Taifead Sláinte Digiteach; do dhéanamh socrú maidir leis an Aire do dhéanamh rialacháin chun críocha an Achta seo; do dhéanamh socrú maidir leis na críocha arb i ndáil leo a fhéadfar Taifead Sláinte Digiteach a úsáid; do dhéanamh socrú go bhféadfaidh Feidhmeannacht na Seirbhíse Sláinte socruithe cómhalartacha a dhéanamh le dlínsí eile i ndáil le faisnéis atá i dTaifead Sláinte Digiteach a mhalartú; do dhéanamh socrú go bhféadfaidh Feidhmeannacht na Seirbhíse Sláinte a iarraidh ar sholáthraithe seirbhísí sláinte aicmí áirithe sonraí sláinte pearsanta a sholáthar d'Fheidhmeannacht na Seirbhíse Sláinte; do dhéanamh socrú go bhféadfaidh Feidhmeannacht na Seirbhíse Sláinte a iarraidh ar dhaoine áirithe earnálacha áirithe faisnéise sláinte a sholáthar d'Fheidhmeannacht na Seirbhíse Sláinte; do dhéanamh socrú go bhféadfaidh Feidhmeannacht na Seirbhíse Sláinte iarratas a dhéanamh chun na Cúirte Cuarda i gcás go mainneoidh duine déanamh de réir iarrata; do dhéanamh socrú maidir leis na críocha chun a bhféadfaidh Feidhmeannacht na Seirbhíse Sláinte úsáid a bhaint as faisnéis sláinte arna soláthar di de réir an Achta seo; do dhéanamh socrú go ndéanfaidh Feidhmeannacht na Seirbhíse Sláinte treoirlínte a ullmhú agus a fhoilsiú chun críocha an Achta seo; agus do dhéanamh socrú i dtaobh nithe gaolmhara.

Nuashonraithe go deireanach: 8 Samh 2024

Urraithe ag: Minister for Health;

Foinse: Government

Teach Tionscnaimh: Dáil Éireann