Stop obair an Choiste seo nuair a lánscor an 32ú Dáil ar an 14 Eanáir 2020.
Tugtar deis do shaoránaigh leis an gcóras achainíocha idirghníomhú leis an gcóras parlaiminteach maidir le hábhair imní nó spéise ginearálta don phobal. Féadfaidh baill den phobal achainíocha a chur faoi bhráid an Chomhchoiste um Achainíocha Poiblí. Níl ach síniú amháin ag teastáil chun achainí a chur isteach.
De ghnáth, tagann an coiste le chéile gach coicís chun achainíocha a chuir daoine isteach a bhreithniú. Má tá achainí in ord, is féidir go n-iarrfaidh an coiste fianaise ó bhéal nó i scríbhinn ó Ranna Rialtais ábhartha agus ó chomhlachtaí agus gníomhaireachtaí eile. Tá de chumhacht ag an gcoiste iarraidh ar Airí freastal ar chruinnithe agus ceisteanna faoin achainí a fhreagairt. Féadfaidh sé freisin iarraidh ar an achainíoch labhairt faoin ábhar.
Leis an gcóras achainíocha parlaiminteach seo, tugtar ardán tábhachtach do dhaoine aonair chun páirt a ghlacadh sa phróiseas daonlathach tríd an bpróiseas achainíocha. Tá baill den phobal in ann a n-ábhair imní i dtaobh beartais a thabhairt go díreach chuig croí na Parlaiminte agus dul i bhfeidhm ar an gclár oibre parlaiminteach.
Ba le glacadh Bhuan-Ordú 111A ón Dáil agus Bhuan-Ordú 104A ón Seanad a bunaíodh an Comhchoiste um Achainíocha Poiblí.
Féach Buan-Orduithe Dháil Éireann agus Buan-Orduithe Sheanad Éireann.