Athraíodh ainm an Choiste ón gCoiste um Nós Imeachta agus Pribhléidí an 16 Nollaig 2020.
Buanchoiste is ea an Coiste agus tá a théarmaí tagartha leagtha amach i mBuanordú athbhreithnithe 98.
Breithníonn an Coiste nithe a bhaineann le Buan-Orduithe agus na pribhléidí parlaiminteacha a ghabhann le comhaltas Sheanad Éireann agus déanann maoirseacht tríd is tríd ar nós imeachta. Gníomhaíonn an Coiste anois go tréimhsiúil mar an Coiste um Mhaoirseacht Sainchúraim.
Nuair a bhíonn tionchar tromchúiseach ag aithrisí
Tá gach ráiteas a dhéantar le linn imeachtaí an Oireachtais faoi phribhléid faoi Bhunreacht na hÉireann.
Má cheapann tú go raibh tionchar tromchúiseach ag aithris i Seomra na Dála, i Seomra an tSeanaid nó i gCoiste Oireachtais ort, lean an próiseas a bhfuil cuntas air sa rannán Díospóireachtaí den suíomh gréasáin seo.
- Ionas go mbeidh feidhm leis an bpróiseas seo, ní mór dóchúlacht shuntasach a bheith ann go raibh tionchar tromchúiseach ag aithris ort.
- Beidh feidhm ag an bpróiseas seo is cuma más Teachta nó Seanadóir a bhí sa té a labhair, nó má bhí siad i láthair i gcáil éigin eile, mar fhinné cuir i gcás agus iad os comhair Coiste Oireachtais.
- Tá freagraí ar Cheisteanna Parlaiminte san áireamh sa phróiseas seo, toisc go bhfoilsítear iad sa Tuairisc Oifigiúil ar na Díospóireachtaí.
Má tá tú míshásta leis an gcinneadh a dhéanann an Cathaoirleach ar d’aighneacht (nó má theipeann ar an gCathaoirleach ceann a dhéanamh laistigh de shé seachtaine ó d’aighneacht a bheith faighte ag an gCléireach) is féidir leat aighneacht eile a dhéanamh don Choiste seo tráth nach déanaí ná 12 sheachtain tar éis an chéad aighneacht a dhéanamh.
Chun na sonraí iomlána a fháil, féach Buan-Ordú 49B.