Grúpa Oibre na gCathaoirleach Coiste

Coiste atá sa Ghrúpa Oibre agus déanann sé breithniú ar ábhair amhail éifeachtacht chóras na gCoistí, ábhair ar leas coiteann do Chathaoirligh Coiste iad agus moltaí a mbíonn tionchar acu ar sholáthar seirbhísí do Choistí. Tá sé de chumhacht aige moltaí a dhéanamh maidir le cionroinnt airgid le haghaidh comhairliúcháin agus taistil agus maidir le leithdháileadh cóiríochta le haghaidh cruinnithe Coiste.

Tionóltar an chuid is mó de chruinnithe an choiste go príobháideach. Mar sin féin, luaitear ina théarmaí tagartha (Buan-Ordú 120 de chuid na Dála/Buan-Ordú 107 de chuid an tSeanaid) go dtiocfaidh an Taoiseach os comhair an choiste faoi dhó sa bhliain, san earrach agus san fhómhar, chun saincheisteanna maidir le beartas poiblí a phlé. Cruinnithe poiblí is ea iad siúd.